هنا

[فقار الكرخي]

عبر زندي السهم ...
و انسيت اصيحن آخ
ابن آدم ينسه روحه بطيحت اولاده
هيست حرورت الدم عبرت جفوني
و تبلل حضني ...
حضني الچان اله اوساده
حرت و اتلفتت
بس لا هيسني احد
بس لا شافو اعيوني بچن بهداي
بس لا شافنه احد گابحانه الماي
مو شيلت رضا
شلت ابني انا مجبور
بس لا احد ايشوفه چنت خايف
عرگت بگد عطشنه ...
بحيث اليشوفون
يتراوالهم چني نهر واگف ...
اختنگ ابني بسهم و ركضت مدري الوين
رحت رديت اصيحين
بويه ...
بويه اشلون
درت صوب الخيم ما ناشفه ولا عين
التفت اعله المعسكر ذوله هم يبچون
طفل يكسر الخاطر
هسه شيداوي
بكثر مسح الدمع صارن ارداني عيون
حرت ...
وين انطي وجهي محد يگلي
صحت لخواني الحگوني كلاني الشيب
ولكم ابني راح منين ارد لهلي ...

الشمس هم بطرانه چنها
تغبش على المكتول ابنها
.







موعود قاسم الرشيدي

[وَتِــيـن ﮩ]

الله
عشـت

[فقار الكرخي]

نورتي وحق هذا الله

[أبو ملاك]

.الشمس هم بطرانه چنها
تغبش على المكتول ابنها

نريد مجاراتك على هذا البيت