بس يخلص محرم نرد دجاله!_حسين الساعدي
ترى مدوم هالحاله
يمكن هالعشر تيام,, حرامي امجمد اعماله
عبادتنه اعله حُب احسين
بس منطبق أفعاله!
.
من بعد أربعينه انوب
نرد اردود دجاله!
.
ونرجع ننتخب دجال
خاطر يذبح أطفاله!
ياناس الطفوف ادروس... ضد الطاغي وامثاله!
لازم نفتهم عباس ,, ليش الغيره تبراله!!
ياناس الدمع ماراح ,, يكسر عازه جتاله!
مو عالقيمه ابو السجاد ... ضحه بروحه وعياله!
جنكم ما فهمتوا احسين!! افعاله اترجم اقواله!!
اذا لا كهرباء لا ماي ,,
بس كثرانه الز ب ا ل ه!!
.
واذا الخريج من عدكم ,,
يدور شغل عماله!
.
واذا الذيول ذلوكم!!
اوطنكم فاكد أماله!
المن كل سنه اتهتفون ,, من الذله الف هيهات
ورضيتوا ابحكم نشاله!
رضيتو ابحكم نشاله!!
حسين االساعدي
رد مع اقتباس
المشاركة الأصلية كتبت بواسطة رجل المستَحيل
