سلام عليكم دررنا
منو عنده فكرة ليش ديطلعلي ستوريات مال اشخاص ما اعرفهم بالفيس رغم اني ممتابعتهم ولا مراسلتهم اول مرة اشوفهم
وللعلم ما دازيلي طلب صداقة واني اصلا ممصادقة احد بالفيس
اتمنى تساعدوني لان على اساس كلامكم اقرر احذف الحساب لو ابقيه
سلام عليكم دررنا
منو عنده فكرة ليش ديطلعلي ستوريات مال اشخاص ما اعرفهم بالفيس رغم اني ممتابعتهم ولا مراسلتهم اول مرة اشوفهم
وللعلم ما دازيلي طلب صداقة واني اصلا ممصادقة احد بالفيس
اتمنى تساعدوني لان على اساس كلامكم اقرر احذف الحساب لو ابقيه
ممكن شايفه ستورياتهم او ستزريات مشابهة فيعرضلج الستوريات اللي مشابهة الها
وعليكم السلام
من خلال توواجدي بالفيس وفهمي بعض الشيء لخوارزمياته
فإن هذه الحسابات تكون مرتبطه بحساباتك بصورة غير مباشرة ..مثلا
أحد اصدقائك (معقوله ماعندك اصدقاء ) أعطى لايك ..أو علق على أحد البوستات
فيظهر لك
وللتاكد فوتي للبوست الي ديطلعلك من غير مناسبه
ودققي المعلقين أو الي معطيه لايكات
أمر آخر
اعتقد (ممجربها ) توجد في الاعدادات أوامر تحد من هذا الأمر
الفيس مصيبته مصيبة ... حتى لو اسولف اني واختي على شغلة معينة الگه الفيس ناشرها لي اول صفحة لو ستوريات مقترحة لمن تطگ روحي .. مرات الزم الموبايل وارجع اصيح مااريد هاي الشغلة ماتعجبني ماراح اشتريها بس علمود افتك .. خبلوني وعلي
شوفي اكو مرة قريت منشور لشخص يگول رحت لمكان وتقابلت وي اشخاص مااعرفهم هيج صدفة من رجعت للبيت لگيت حساباتهم يقترحها علية الفيس .. رغم لا اكو اصدقاء مشتركين ولا شي بس مجرد جمعهم مكان واحد ...
الصفحات المشهورة هو الفيس يقترحلج ستورياتهم ومنشوراتهم ..
رحت لكربلا ..اول ماوصلت للامام كنكت بده الفيس ينطيني اعلانات ممولة عن الفنادق بكربلا..
قبل يومين عندي ورقة فحص نظر من 2012 ضايعه مجرد بقيت اقرا بيها للعصر الفيس ماخلى مركز عيون مااقترحه اليه..
نفس الشي قريت قائمة مواد انشائية وره ساعة كل محلات الانشائية ع الفيس طلعتلي ..
كارثة والله گلب والدة مو فيس صاير هو والانستا..
الفيس بوك بالوضع الاعتيادي
مابيه أي خصوصية..
خوارزمياته تشارك المعلومات
حتى مع العم كَوكَل..
لكن تكدرين تحددين خصوصية
الملف الشخصي والمنشورات
والإشعارات حتى تخف هاي الشغلات..
مثل ما مسوي آني..