هنا

[ارجع يازمان]

اللي يأذي الناس الله اليأذيه
بالدنيا يلكه احساب قبل القيامه!
.
دعوه ابدمع مظلوم لازم تعابيه
الما سلم منه انسان ماله سلامه!
.
الكلمه سهم فتاك ماطب يداويه
والعلى اعراض الناس يطلق سهامه
.
موعد مع الايام حتماً تراويه
نفس السهم تذكير وجعة ابكلامه!
.
الاعماله زينه اهناك هيه التنجيه
غير العمل ما راح يرفع مقامه!
.
الدنيا امتحان وباب كلها تلاكيه
اخر شهاده الموت فيها العلامه!
.
الظالم مقره ايكون نار وغضب بيه
من عنده يتبرون اهله وعمامه!
.
يتحسد المظلوم يوم اليصد ليه
ايشوفه ابنعيم وخير وبلا ندامه
حسين االساعدي

[أبو ملاك]

.الكلمه سهم فتاك ماطب يداويه
والعلى اعراض الناس يطلق سهامه
.
موعد مع الايام حتماً تراويه
نفس السهم تذكير وجعة ابكلامه!

حكمة عظيمة.. لازم نتعض منها

شكرًا جزيلًا صديقي..