غريبة الروح 1971 - للشاعر جبّار الغزي الذي بدأ حياته بناحية الفجر بذي قار، حبّ بنية و بادلته المشاعر و تقدم لخطبتها لكن أهلها رفضوا و حاول أكثر من مرة و إنرفض بعدها قرر ينتقل لبغداد على أمل ينسى حبه، أستقر ببغداد و صار قليل التواصل مع أهله و گطع بيهم، بيوم أمه أجت لبغداد ويه أخوه الصغير لزيارة الكاظم من وصلوا لباب الشرقي الأم أصرت على أبنها يوديها لبسطية جبار اللي بهاي المنطقة لكن أبنها رفض بسبب غضبه من أخوه و شائت الصدف إن تعطل السيارة قريب من بسطية جبار، شافته أمه و عاتبته گالتله "چم عيد مرّ و أنت ما جيت؟ چم سنة مرّت و أنت ما سألت" و هذا العتاب هو اللي كتبه بقصيدة غريبة الروح .مات جبّار الغزي غريب و أعزب و عثروا على جثته جوه جسر الجمهورية و تم تشييعه غريب أيضاً من قِبل زملائه الشعراء في بغداد .