هنا

[Suzana]

السلام عليكم

اريد استفاد من اصحاب الخبرة
والعدهم تجارب بتبريد البيت

بيتنه كلش حار
رغم حاطلة ٤ سبالت بس يموت من الحر
من تطفة الوطنية البيت يصير فرن

ماكو فد طريقة شوية تقلل من حرارة البيت

سألت ناس دزوني على شركة مال عزل حراري

طلعو همه واجهزتهم ويقيسون
وحفرو الحياطين
وضلو يتبسبسون

وكالي هو هذا السكفة مسلح يصير حار دائما

وراحو

كتلة اخيك ولو فد نصيحة بسيطة

كالي سوي نافورة بالسطح لو بالهول

هيج فكرة ممكن تفيد لو هذا حشاش


منو عندة تجارب يفيدنه بيها

مثل ماكالولك سوي نافورات

[علي الواسطي]

[فقار الكرخي]

..


عندك هواي خيارات بس كلها مكلفة خاصة إذا مسويتها ويه البناء من البداية مثلا تخلي فوم جوة الشتايگر مال السطح وتخلي مفرغة صناعية صغيرة بالبيتونة وبحولي الطابق الثاني تسحب طبقات الهوا الحار ( البوخة ) وعلميًا بمجرد خروج الهواء الحار هالشي يخفض درجة حرارة المكان واذا تكدر تخلي مكيف بالبيتونة بس عالوطنية يكون احسن بكثير واكو هسة تقنية ديشتغلوها بالعراق تدفئة وتبريد عن طريق شبكات الماء الي يأسسوها دفن بالارضيات والجدران تبرّد الارضيات والحيطان فتسوي فرق كبير طبعا ولازم بالاساس تكون خريطة البيت مصممة بطريقة ذكية تضمن احتفاظ البيت بدرجة حرارة تناسب الموسم مع الاهتمام بكون الابواب والشبابيك محكمة وبيها وسائل تحجب الشمس .. المهم حجي اني اشوف اصرفلك تشتريلك بيت بأربيل وأبوك الله يرحمه :)

..

عجبني كلامج كلش
تكلمتي بأشياء علمية
وهاي تبريد الارضية كالولي عليها
لازم قبل متطبك الارضية

[فقار الكرخي]

قبل جانت البيوت باردة لأن اغلبها عكادة والبناء بالجص ومعروف ببرودته
هسه كل البيوت صب ويكون حار

شغلتين يرادلك




سقيفة فوك البيت لعزل الحرارة واشعة الشمس المباشرة

والشغلة الثانية كهرباء مستمرة

واكو طريقة حديثة لأحد الفنيين ديشتغلها وهي تبريد المنزل عن طريق الماء من خلال انابيب يمدها بالارض ومربوطة بمنظومة تريد

بشرفك سطح حلو وبي زرع سنادين
اسويلة سقيفة شنو محل

وهاي الطريقة مال تبريد كالولي عليها
بعد مترهم لأن كملت بناء
المفروض وية البناء

[فقار الكرخي]

مثل ماكالولك سوي نافورات

اي كالولي سوي نافورة
وجيب سمجة مال زينة وذبها بالنافورة
بس المشكلة سمجة منين اجيب

[فقار الكرخي]

ويضل يومية طاك بوري وتعال فلش الحايط

[علي الواسطي]

بشرفك سطح حلو وبي زرع سنادين
اسويلة سقيفة شنو محل
واذا سنادين وزرع بالعكس تصير كعدة حلوة وظل ووجه حَسِن
وهاي الطريقة مال تبريد كالولي عليها
بعد مترهم لأن كملت بناء
المفروض وية البناء

ويضل يومية طاك بوري وتعال فلش الحايط

لا مايطك لأن مابي ضغط ولا قوة مجرد مي يداور

[ايليتا]

على عين النافورة يا فقار ديربطون البيوت على عداد المي ... اقل شي 120الف التسعيرة .. جمع فلوسك وابقى شهرين باربيل اجر بيت ومن يخلص الحر تعال ... هذا افضل حل

[عدنان الواثق]

اذا كان البيت محاط بالجوارين فماتوصله الشمس بصوره مباشره هذا اولا وثانيا تغليف الجدران بالسمنت اكبر خطأ من الداخل والأفضل يكون بالجص اما من الخارج فهذا شي طبيعي وثالثا السطح يجب ان يكون تطبيق الشتايكر يحوي ماده عازله مثل الفلين .
اما ماعداه من طرق انابيب المياه ومااعرف ايش هذي طرق ماتنجح عدنه لسبب كون مواد البناء والسمنت مو تحت المواصفه والجوده حتى تتحمل الرطوبه وغيره من المشاكل المستقبليه ومايعلن بوسائل التواصل هاي ناس تريد تعيش وتسترزق وبدون لاعلم ولافهم الله وكيلك اضافه ان الحراره ابيتك ماعدى هاي النقاط الي ذكرتهن الثلاثه كله هواء في شبك وانت اذا مامطبقهن فحتما بيتك يختلف عن باقي البيوت والله اعلم .

[فقار الكرخي]

على عين النافورة يا فقار ديربطون البيوت على عداد المي ... اقل شي 120الف التسعيرة .. جمع فلوسك وابقى شهرين باربيل اجر بيت ومن يخلص الحر تعال ... هذا افضل حل

هم اجتي هيج فكرة براسي
بس دوامي شلون