تعال وشوف عملات الفلك بينه
تشتت طيب جمعتنه بتجافينا
أي تشتت طيب جمعتنه بحزن وفراك
وحادي خلتي طوح بهدوه وساك
وعيني مولحت والنوم منه انباك
ولزيد فرحة الشمات تاذينا
غدة وياحسرتي ويافرحة الشمات
كل صبري ودليلي بالونين ايبات
أنه من اذكر ليالينا وزماني الفات
أصيح بصوت عودأ ياليالينا
أصيح بصوت يشجي الصخر لاوالجيد
أصيح وصايحي ماينسمع شيفيد
هذا العيد والعيد المضه وكل عيد
يخوتي الهومت عينه عمت عينه
عاده وجاريه لو صوتوا برحيل
لوراد الخليل من الخليل ايشيل
يصير وداع عدهم والدموع اتسيل
وأحنه السره بغير وداع عادينه
دهشني بجيش دهري بيش ارده بيش
دهه احبابي وعلي نكد لذيذ العيش
دهشته بجيش صبري وفرعجيد الجيش
انتصر جيش الدهر واتسيطر علينه
تعال وشوف عملات الفلك بينه.......
رد مع اقتباس
لا تحرمنه من مشاركاتك الحلوة
المشاركة الأصلية كتبت بواسطة ĔvÃņĘśĆềЙćĒ
