هنا

[زهرة اللوتــس]

هلووو حبيبتي

.للأمانة رح اسولف وياج عن تجربة شخصية.
التفاتة مهمة منج. بصراحة مريت قبلج بهذا الشك والمخاوف. لان التربية بالتالي معكوسة عالام اكثر من الاب.
لذلك اتبعت خطوات مهمة اذا منتبهين الي كم مرة انزللكم صورة كارتون واكتبلكم من قلب الحدث. هاي فعلا وياهم اتابع الكارتون . هذا اولا لاتتركيهم وحدهم
ثانيا. نتورك ع التلفزيون. مااعتقد وماشفت نزلت شي يسيء للطفل بس اتفق من ناحية اليوتيوب اكيد اكو قنوات خاصة للتخريب فأحذري منهم
وبالنسبة لهاي النقطة نزلت تطبيق يوتيوب كيدز خاص فقط للكارتون وانتي تحددين الشخصيات اليحبون يتابعوها

وبعد هوايه نقاط اذا انريد نحجي . بس لتخافين. كوني حريصة بأختيار الباقة الكارتونية حدديها الهم عن طريق اليوتيوب واذا عالشاشة فعادي نتورك. ومايطلع شي.
ودائماا اشغليهم وياج بلبيت والرسم والالعاب. بهيجي حالة رح يقل عدهم متابعة الكارتون

والي عودة حبي بالمشاركة مرة ثانية

حبيبتي ام حمودي اني هم اكعد اتابع وياهم وابد ماشفت شي مو حلو او لقطة مسيئة بس اهل اليوتيوب اثاروا مخاوفي ..

وهم مو اغلب وقتهم على التلفزيون بالعكس عدهم العاب بالبيت ويلعبون سوه ومرات يرسمون ويكتبون ومرات انطيهم موبايلي يلعبون العاب لو العاب تعليمية وحتى يوتيوب كيدز اللي ذكرتيه اني منزلته لهم ومرات يتابعون بيه ..

يسلمو ياروحي واكيد يهمني رأيج وتشاركينا تجربتج

[ايليتا]

هذا الموضوع دائما اتناقش بي ويه الامهات ..
شوفي حبي على العموم وقتنا هسه ديحاربونا باطفالنا
الافكار ...يمكن من شوف شي مو لائق
لكن اكو فكرة الالحاد مثل الابطال الخارقين و تعدد الالهة وهاي خاصة بافلام هسه يعني العم جدو يكدر يحقق كل امنياتهم وفكرة سانتا كلوز فيصير ارتباك بفكرة الله و القوة وراح يسالون عنه انو هو الي يحقق امنياتهم هنا فكرة ... اضافة الى قناة نتورك العم جدو مابي ربط بالافكار ابدا يعني ماكو بي اي فكرة و يحبذ العنف و خاصة وقت الطعام تشوفين فوضى وبحلقة العم جدو ينام من غير جنب يصحى يلغب لعب بيهم فالافكار هي الخطرة اضافة الى رمز المثلية الي يلبسه
قناة نتورك عموما ما بيها شي مرتب ديري بالج من وقت المغامرة احدى الحلقات على التلفزيون كنت اتابعها كان بيها هواااااي اشياء غلط وما مفهومة و ما بيها امل و ما مترابطة مجرد ضياع للطفل وكانت علاقة الاب والبنت سيئة والاب الشرير الي حابسها ملكة النار وبعدين حبست ابوها ومن هالاشياء و من غير جيك عنده شعر اصفر طويل لا هو ولد ولا بنت ... اما الكارتون الافضع بيهم كامبول الي يحجم دور الاب ويضخم دور الام وميحترمون المدرسة ولا الواجب وعدهم مقالب بالجيران والاهل والكسل شطارة ويعلم اللامبالاة..
اما سبونج بوب كان فترة يضحك هسه افكاره مسمومة ودتطور ..
يمكن شفتي اني بالغت بالوصف لكن متابعة ذني من قبل مشاهدة اطفالي الهم من كنت ويه اطفال خواتي بحيث لغوا القناة ..يعني ما شجع عليها خليهم على سبيس ستون كلش حلوة عهد الاصدقاء وانا واخي تزرع التعاون المحبة الاحترام..
المتابعة مهمة كلش خاصة هالعمر لان احنه بعمرهم كانت احلامنا بحلقات نيلز من يطير الى لاليلاندونتخيل هالاشياء الحلوة...صدكيني اكو حلقة وحش البيتزا الليل كله مرعوب ابني بسببها لو حارس الغابة فد شغلات ابد مو مال طفولة بريئة
عندج اليوتيوب تابعي وياهم بابا بيغ بالعربي حلو و بالانكلش همين
منصور همين لطيف وحلو..عندي كارتون سوبرسترايكا مال طوبة هسه مهووسين بي اطفالي علما اني لاغيه القنوات انتابع يوتيوب ونحدد شنو نشوف سويه واغلب الوقت مقسم العاب مال اكس بوكس ورسم ونطلع للمنتزه بالليل لو نلعب طوبة بالبيت يعني اشاركهم وقتهم وفترة الدوام نايمين الصبح واسهر وياهم ارسم لو نلعب لعب مشتركة على موبايل مال تشابه الصور او جدول الضرب هيج شغلات واسوي فقرة المشتريات نكعد نسولف وناكل حبشكلات و اعلمهم من هسه ان نصلي سوية حتى لو بس المغرب شوي شوي لحدما يضبطوها الامام علي ع يقول( التعلم في الصغر كالنقش على الحجر)وقبل لنام كل واحد يقره قصه وهيج... ام عبوسي الله يعين على هالوقت الي عالمنا مفتوح وكل الجبهات تحاربنا
ما اريد اكون مثالية لكن احاول اوجه بهذا بالعمر خاصة هسه تربي بس يكبر بالمراهقة راح يثور على كل مبدأ علمتي عليه ويبدي يبحث ويقارن الى ان يكبر ويجرب ويتاكد ...عذرا اطلت عليكم لان موضوع حساس جدا وياريت كل فترة نتشارك همومنا خاصة بهذا الموضوع ونضيف الاشياء المفيدة والاشياء السلبية حقيقة نحتاج وعي ...ممتنة لكل من اعطى تجربته ..وشكرا

[العراب ']

مساكين انتم المتزوجين ، همومكم ثقيلة الله يكون بعونكم صراحة .
مشكلة الأطفال والتربية في هذا الزمن العفن مسؤولية صعبة وكبيرة جداً .
وبالذات الخطر الكبير القادم من وسائل الإعلام الموجهة ،، والطفل بالتأكيد هو المستهدف الأول لأنه الحلقة الأضعف بين كل شرائح المجتمع. فأغلب الوسائل الإعلامية مليئة بالقاذورات والنفايات الفكرية ( اجلكم الله ) ،، والقابض على أطفاله منها كالقابض على جمرة، فأغلب هذه البرامج تميل إلى قتل العقل الإبداعي لدى الأطفال وتجعله بليداً خاضعاً ومهزوزاً ،، وترسم له صوراً عن عالم مثالي مختلف بحيث تجعله يعيش في عالم خيالي وبعيد جداً عن الواقع . وحين يبدأ في الإدراك ويصطدم بالواقع الحقيقي المختلف تماماً عن العالم الذي رسم صورته وتخيله في برامج الأطفال. هنا تكمن المشكلة .
وإن بعض التأثيرات الثقافية كالمثلية والإلحاد ممكن مواجهتها عن طريق برامج توعوية أسرية خاصة ،، لكن المشكلة الحقيقية تكمن في الآثار البيولوجية والعضوية الناتجة عن إدمان برامج الأطفال ،، كشيوع مرض التوحد ،، والبلادة الفكرية ، والعمى البصري ، والأمراض النفسية والعصبية ، كالفوبيا والقلق وضعف الإدراك ، وازدواج الشخصية ،، وغيرها الكثير من الأمراض الأخرى .
وحتى بعد ان يتجاوز الطفل هذه المرحلة بأمن وسلام ،، فالمراحل اللاحقة أكثر خطورة وقسوة ،، فالمدرسة والشارع والسوق والتجمعات البشرية وأصدقاء السوء والأقارب ،، كلها تشكل مراحل خطر على الطفل وشخصيته ،، لأن مجتمعنا بصراحة هو مجتمع غير صالح للعيش والتعايش ،، وأقرب للتوحش منه إلى التحضر . بسبب فقدان الضمير والإنسانية وضعف الوازع الديني وانهيار القيم والأخلاق والمبادئ .
عليه انصح بـ ١- إلغاء فكرة الزواج نهائياً ٢- إذا تورط الإنسان وتزوج عليه أن لايفكر بالإنجاب . ٣- وإذا تورط مرة ثانية وانجب أطفال ، فإذا كانت المولودة بنت فليدفنها بالحياة ( احياء ظاهرة وأد البنات ) ،، وإذا كان الطفل ولد يشمره بأقرب ملجأ ايتام . وتعيشون وتسلمون .

[الرميثي]

يا ام عباس
كوني على ثقة انه كل الافلام والبرامج المعروضة
وخصوصا الغربية منها كلها تريد ان توصل فكرة معينة
تخدم مصالحهم وتوجهاتهم سواء كنا حاسين بيها او لا
وحتى فكرة افلام كارتون الفارة والبزون ( توم وجيري )
هي فكرة سياسية خالصة ضد العرب ومن صالح اسرائيل
فانتي لاتستطيعين ان تتخلصي من افكارهم
لانهم يطلعون لكِ من جميع الجهات
سواء للاطفال او للكبار ويبثوا لنا سمومهم
بالنسبة لي ما اتابع هذه القنوات بس ما مانع اطفالي منها
لانني اعرف ان متابعتها من قبِلهم قليلة جدا
هم يفضلون اللعب بالموبايل
ويتابعون شخص على اليوتيوب اسمه علي شاكر
هذا الشخص الله يرضا عنه يتكلم للاطفال بالدين والحلال والحرام
واشوف اطفالي جاي تستفاد منه هواية وياخذون كلامه على محمل الجد
ويسئلوني عن بعض الافكار التي يطرحها عليهم وانا اشرحها لهم اكثر
ولهذا ما اعاني من هذه المسئلة وتاركهم مادام ماشين بطريق صحيح .

[زهرة اللوتــس]

هذا الموضوع دائما اتناقش بي ويه الامهات ..
شوفي حبي على العموم وقتنا هسه ديحاربونا باطفالنا
الافكار ...يمكن من شوف شي مو لائق
لكن اكو فكرة الالحاد مثل الابطال الخارقين و تعدد الالهة وهاي خاصة بافلام هسه يعني العم جدو يكدر يحقق كل امنياتهم وفكرة سانتا كلوز فيصير ارتباك بفكرة الله و القوة وراح يسالون عنه انو هو الي يحقق امنياتهم هنا فكرة ... اضافة الى قناة نتورك العم جدو مابي ربط بالافكار ابدا يعني ماكو بي اي فكرة و يحبذ العنف و خاصة وقت الطعام تشوفين فوضى وبحلقة العم جدو ينام من غير جنب يصحى يلغب لعب بيهم فالافكار هي الخطرة اضافة الى رمز المثلية الي يلبسه
قناة نتورك عموما ما بيها شي مرتب ديري بالج من وقت المغامرة احدى الحلقات على التلفزيون كنت اتابعها كان بيها هواااااي اشياء غلط وما مفهومة و ما بيها امل و ما مترابطة مجرد ضياع للطفل وكانت علاقة الاب والبنت سيئة والاب الشرير الي حابسها ملكة النار وبعدين حبست ابوها ومن هالاشياء و من غير جيك عنده شعر اصفر طويل لا هو ولد ولا بنت ... اما الكارتون الافضع بيهم كامبول الي يحجم دور الاب ويضخم دور الام وميحترمون المدرسة ولا الواجب وعدهم مقالب بالجيران والاهل والكسل شطارة ويعلم اللامبالاة..
اما سبونج بوب كان فترة يضحك هسه افكاره مسمومة ودتطور ..
يمكن شفتي اني بالغت بالوصف لكن متابعة ذني من قبل مشاهدة اطفالي الهم من كنت ويه اطفال خواتي بحيث لغوا القناة ..يعني ما شجع عليها خليهم على سبيس ستون كلش حلوة عهد الاصدقاء وانا واخي تزرع التعاون المحبة الاحترام..
المتابعة مهمة كلش خاصة هالعمر لان احنه بعمرهم كانت احلامنا بحلقات نيلز من يطير الى لاليلاندونتخيل هالاشياء الحلوة...صدكيني اكو حلقة وحش البيتزا الليل كله مرعوب ابني بسببها لو حارس الغابة فد شغلات ابد مو مال طفولة بريئة
عندج اليوتيوب تابعي وياهم بابا بيغ بالعربي حلو و بالانكلش همين
منصور همين لطيف وحلو..عندي كارتون سوبرسترايكا مال طوبة هسه مهووسين بي اطفالي علما اني لاغيه القنوات انتابع يوتيوب ونحدد شنو نشوف سويه واغلب الوقت مقسم العاب مال اكس بوكس ورسم ونطلع للمنتزه بالليل لو نلعب طوبة بالبيت يعني اشاركهم وقتهم وفترة الدوام نايمين الصبح واسهر وياهم ارسم لو نلعب لعب مشتركة على موبايل مال تشابه الصور او جدول الضرب هيج شغلات واسوي فقرة المشتريات نكعد نسولف وناكل حبشكلات و اعلمهم من هسه ان نصلي سوية حتى لو بس المغرب شوي شوي لحدما يضبطوها الامام علي ع يقول( التعلم في الصغر كالنقش على الحجر)وقبل لنام كل واحد يقره قصه وهيج... ام عبوسي الله يعين على هالوقت الي عالمنا مفتوح وكل الجبهات تحاربنا
ما اريد اكون مثالية لكن احاول اوجه بهذا بالعمر خاصة هسه تربي بس يكبر بالمراهقة راح يثور على كل مبدأ علمتي عليه ويبدي يبحث ويقارن الى ان يكبر ويجرب ويتاكد ...عذرا اطلت عليكم لان موضوع حساس جدا وياريت كل فترة نتشارك همومنا خاصة بهذا الموضوع ونضيف الاشياء المفيدة والاشياء السلبية حقيقة نحتاج وعي ...ممتنة لكل من اعطى تجربته ..وشكرا

عمري شموسة كلامج صحيح مادام اطفال ممكن نگدر نأثر عليهم بس من يصيرون مراهقين راح يغلب على طبعهم العناد ..

ومشكورة على طرح تجربتج وربي يحفظ اطفالنا من الانحلال الاخلاقي اللي جاي يصير بالمجتمع

[زهرة اللوتــس]

مساكين انتم المتزوجين ، همومكم ثقيلة الله يكون بعونكم صراحة .
مشكلة الأطفال والتربية في هذا الزمن العفن مسؤولية صعبة وكبيرة جداً .
وبالذات الخطر الكبير القادم من وسائل الإعلام الموجهة ،، والطفل بالتأكيد هو المستهدف الأول لأنه الحلقة الأضعف بين كل شرائح المجتمع. فأغلب الوسائل الإعلامية مليئة بالقاذورات والنفايات الفكرية ( اجلكم الله ) ،، والقابض على أطفاله منها كالقابض على جمرة، فأغلب هذه البرامج تميل إلى قتل العقل الإبداعي لدى الأطفال وتجعله بليداً خاضعاً ومهزوزاً ،، وترسم له صوراً عن عالم مثالي مختلف بحيث تجعله يعيش في عالم خيالي وبعيد جداً عن الواقع . وحين يبدأ في الإدراك ويصطدم بالواقع الحقيقي المختلف تماماً عن العالم الذي رسم صورته وتخيله في برامج الأطفال. هنا تكمن المشكلة .
وإن بعض التأثيرات الثقافية كالمثلية والإلحاد ممكن مواجهتها عن طريق برامج توعوية أسرية خاصة ،، لكن المشكلة الحقيقية تكمن في الآثار البيولوجية والعضوية الناتجة عن إدمان برامج الأطفال ،، كشيوع مرض التوحد ،، والبلادة الفكرية ، والعمى البصري ، والأمراض النفسية والعصبية ، كالفوبيا والقلق وضعف الإدراك ، وازدواج الشخصية ،، وغيرها الكثير من الأمراض الأخرى .
وحتى بعد ان يتجاوز الطفل هذه المرحلة بأمن وسلام ،، فالمراحل اللاحقة أكثر خطورة وقسوة ،، فالمدرسة والشارع والسوق والتجمعات البشرية وأصدقاء السوء والأقارب ،، كلها تشكل مراحل خطر على الطفل وشخصيته ،، لأن مجتمعنا بصراحة هو مجتمع غير صالح للعيش والتعايش ،، وأقرب للتوحش منه إلى التحضر . بسبب فقدان الضمير والإنسانية وضعف الوازع الديني وانهيار القيم والأخلاق والمبادئ .
عليه انصح بـ ١- إلغاء فكرة الزواج نهائياً ٢- إذا تورط الإنسان وتزوج عليه أن لايفكر بالإنجاب . ٣- وإذا تورط مرة ثانية وانجب أطفال ، فإذا كانت المولودة بنت فليدفنها بالحياة ( احياء ظاهرة وأد البنات ) ،، وإذا كان الطفل ولد يشمره بأقرب ملجأ ايتام . وتعيشون وتسلمون .

انتم المتزوجين ؟!!!!

ليش تطلع روحك من دائرة المتزوجين .. انت ذاك اليوم گلتلي انت متزوج وعندك خمس اطفال ..ليش جاي تنكر


الشق الاول من كلامك اؤيدك عليه صحيح مو بس تلفزيون يأثر عدهم مدارس واصدقاء ومجتمع داير مادايرهم وصعب نحميهم من كل هالاشياء بنفس الوقت .. بس احنه نسوي اللي نگدر عليه حتى لا نندم بعدين ..

بس الشق الاخير بالعكس عمو .. الاطفال زينة الحياة .. اني شگد اتعب لو عندي هموم بس اشبگهم واگعد اسولف وياهم وألعب انسى كل تعبي .. ومحلاها كلمة ماما احبج من افواههم .. تنطيني طاقة اكمل بيها ايامي بس لخاطرهم


شكرا لتواجدك وطرح رأيك

[زهرة اللوتــس]

يا ام عباس
كوني على ثقة انه كل الافلام والبرامج المعروضة
وخصوصا الغربية منها كلها تريد ان توصل فكرة معينة
تخدم مصالحهم وتوجهاتهم سواء كنا حاسين بيها او لا
وحتى فكرة افلام كارتون الفارة والبزون ( توم وجيري )
هي فكرة سياسية خالصة ضد العرب ومن صالح اسرائيل
فانتي لاتستطيعين ان تتخلصي من افكارهم
لانهم يطلعون لكِ من جميع الجهات
سواء للاطفال او للكبار ويبثوا لنا سمومهم
بالنسبة لي ما اتابع هذه القنوات بس ما مانع اطفالي منها
لانني اعرف ان متابعتها من قبِلهم قليلة جدا
هم يفضلون اللعب بالموبايل
ويتابعون شخص على اليوتيوب اسمه علي شاكر
هذا الشخص الله يرضا عنه يتكلم للاطفال بالدين والحلال والحرام
واشوف اطفالي جاي تستفاد منه هواية وياخذون كلامه على محمل الجد
ويسئلوني عن بعض الافكار التي يطرحها عليهم وانا اشرحها لهم اكثر
ولهذا ما اعاني من هذه المسئلة وتاركهم مادام ماشين بطريق صحيح .

الحمد لله .. ربي يحفظهم لك ويجعلهم من الابناء الصالحين بحق اهل البيت

[العراب ']

گضيت عمري كله أتابع كارتون نتورك وسبيستون وأم بي سي 3 ونكلوديون
واموت على چاودر
ورأس البطيخه
وبين تين
وداني الشبح
وناروتو
وانا واخواتي
والجاسوسات
ومارسوبيلامي نموووش
واصلا كل الأفلام كارتون اللي على هاي القنوات متابعتهن
واغلب الأمر هاي القنوات تنزل الأفلام كارتون منقحه
بعدكم خافين من قنوات تنزل أشياء منقحه وما خايفين من الاجهزة الذكيه وما يعرض فيها
على الأقل هاي القنوات اكثر أمن

وهاي اني طالعه خوش انسانه ومتزنه وماكو شي مأثر على عقلي الحمد لله والشكر
واگدر اميز الصح من الخطأ
رغم طفولتي چانت كله افلام كارتون ودراسه

كل عقلچ تريدين أطفالها يطلعون مثلچ ؟؟
حتى تهج من البيت وماتبقى بي ولا دقيقة

[المستشار القانوني]

أهلا وسهلا ومرحبا ...ام عبوسي

ننصحك بالتاكد من محتوى القنوات الكارتونية بتجربة .افلامهم مرة مرتين ...والتاكد من عدم وجود علم واشارات المثلية هاي البلوة السودة اللي جاي يفرضونهه بكل شي ..تصورى حته المزرعة السعيدة ملوهه ملي بأعلام المثلية ...وخرقوهه..

أقدر لك حرصك علئ مشاهدات أطفالج...وخلي أبو عبوسي يساعدج باختيار القنوات الكارتونية السليمة ..ومن الله التوفيق

[زهرة اللوتــس]

گضيت عمري كله أتابع كارتون نتورك وسبيستون وأم بي سي 3 ونكلوديون
واموت على چاودر
ورأس البطيخه
وبين تين
وداني الشبح
وناروتو
وانا واخواتي
والجاسوسات
ومارسوبيلامي نموووش
واصلا كل الأفلام كارتون اللي على هاي القنوات متابعتهن
واغلب الأمر هاي القنوات تنزل الأفلام كارتون منقحه
بعدكم خافين من قنوات تنزل أشياء منقحه وما خايفين من الاجهزة الذكيه وما يعرض فيها
على الأقل هاي القنوات اكثر أمن

وهاي اني طالعه خوش انسانه ومتزنه وماكو شي مأثر على عقلي الحمد لله والشكر
واگدر اميز الصح من الخطأ
رغم طفولتي چانت كله افلام كارتون ودراسه

حبيبتي الغالية .. اني همين چانت طفولتي لحد الرابع اعدادي واني اتابع سبيستون وارتينز ماموجودة حاليا .. والحمد لله شخصيتي سليمة وتفكيري ماأثرت عليه اي من هالكرتونات ..

بس هسه الزمن يختلف .. قبل ماعدنه المثلية هسه تلگينها يروجولها بكرتون الاطفال وممكن لاسامح الله الوقت اللي يصيرون شباب بيه منتشرة بمجتمعاتنا بدون حساب اني وقتها شلون راح احافظ عليهم وهم من الصغر رزعوا هالشي بعقول الاطفال من خلال هالكرتونات ..

كرتونات قبل تختلف جانت عليها رقابة من القنوات اللي تعرضها وينقحونها وخاصة سبيستون عملت العمايل حتى البنية اللي لابسة شورت ملبسيها بجامة ههههه بس علمود تحافظ علينا ..

هسه هاي القناة كارتونهم مابيه اي فائدة مجرد تفاهة ودائما الابطال مالتهم اغبياء وسلوكهم مو متزن والطفل راح يتأثر بهيج شي ..

اني ماراح امنعهم بصرامة بس راح اراقب واخليهم يقللون منها وألهيهم باشياء تفيدهم عقليا وتنمي تفكيرهم ..


شاكرة جدا حضورج ياعمري