هنا

[زهرة اللوتــس]

السلام عليكم درر


صارلي كم يوم مبسطة بالفيديوات اللي تحذر من افلام الكرتون للاطفال وخصوصا اللي على قناة نتورك بالعربية

شفت فيديوات تخوف بس ماادري اذا هاي اللقطات انعرضت صدگ على القناة او لا ..

اني اطفالي يحبون هاي القناة وسبونج بوب والعم جدو ومرات اكعد اتابع وياهم مااشوف شي مو زين ..

يعني لو ماهم اصحاب هاي الفيديوهات يحللون ويربطون شي بشي اصلا ماكنت اعرف هيج شي موجود

حتى بواحد من الفيديوهات تكلموا عن الالعاب وتطرقوا للعبة القطارات اللي هواي ناس تلعبها كبار وصغار وهذا الشخص طلع اللعبة ولعبها وجانت على طول الطريق بيها اعلام المثلية بس من نزلت اللعبة ولعبتها وركزت بالطريق ماشفت اي علم او شي يرمز لهالموضوع

شتگولون .. كلامهم صحيح وتحليلاتهم ؟ لو هاي من يمهم علمود يسوون محتوى ومشاهدات وكذا

بس اكو شغلة تأكدت منها صح لاحظت بكارتون العم جدو شيالات بنطلونه علم الالوان اللي يرمز للمثلية نفس الالوان ونفس الترتيب

اصلا هو الكرتون قائم على هاي الالوان شوفوا فيديو البداية مالته





اريد رأيكم .. امنع اطفالي من العم جدو وسبونج بوب وقناة نتورك بالعربية او لا ..


اراؤكم تهمني لان صدگ محتارة وبنفس الوقت خايفة على افكار اطفالي

[وَتِــيـن ﮩ]

والله ياعيني مااعرف وماافتيلج بكيفي لان صراحه ماعدنه احد يباوع كارتون وصار هواي من شفناها احنه جيل الافلام كارتون القديم

ان شاءالله يفيدوج
عاشت ايدج ع تربية والمراقبة الهم حياتي



متابعة ....

[أبو ملاك]

والله يا أُم عباس..
آني بالنسبة الي من الصغر ما علمت بناتي على أفلام الكارتون..
وإذا أخليهن يشوفن كارتون فمستحيل أتركهن وحدهن
أما آني موجود أو أمهن..
ومحددلهن وقت مو أكثر من ساعة.. باليوم فقط..
هسه ما أعرف سبونج بوب ومدري شنو بس بصورة عامة أفلام الكارتون سلبياتها أكثر من إيجابياتها..

والله نصيحة من أخيّج إذا تشوفين أطفالج يتقمصون أو يحجون مثل شخصيات أفلام الكارتون فحاولي تمنعيهم..
حتى لو بالقوة..

[علي الواسطي]

بالسابق كان الاطفال يتابعوها لكن تابعت معاهم وشفت مابيها اي نفع بالعكس مضرة غير مفيدة بعض اللقطات والحركات وحتى الكلام غير مقبول ومنعتهم بل حذفتها

بالسابق كانت هناك قناة براعم قناة تعليمية وافضل قناة للأطفال واضمنلج اي طفل يتابعها منذ الصغر ييقوم يتكلم فصحى وعن تجربة ويستفاد منها الكثير ولكن اصبحت مشفرة وتوجد على اليوتيوب وايضا عالباقات المشفرة مع القنوات الرياضية

[زهرة اللوتــس]

والله ياعيني مااعرف وماافتيلج بكيفي لان صراحه ماعدنه احد يباوع كارتون وصار هواي من شفناها احنه جيل الافلام كارتون القديم

ان شاءالله يفيدوج
عاشت ايدج ع تربية والمراقبة الهم حياتي



متابعة ....

حبيبتي وتين اني هم مااحبهن من كنت صغيرة وحتى مرات بهذا عمري اتابع كرتون سبيستون انا واخي وعهد الاصدقاء وهاي مابيها شي ابد اصلا مرات تعلمنا اشياء حلوة عن الوفاء والصدق وانو الشر مهما يكون قوي راح يخسر بالنهاية ويفوز الخير ..

بس كرتون هسه ماتعرفين راسه من رجلينه كله خربطة بخربطة ..

شلون مااتابعهم واني مسؤولة عنهم امام رب العالمين .. باجر لا سامح الله يصيرون مراهقين ويجيبولي افكار منحرفة شسوي وقتها ..
لازم المتابعة من هسه لان زغار ونگدر عليهم ..


عمري نورتي

[زهرة اللوتــس]

والله يا أُم عباس..
آني بالنسبة الي من الصغر ما علمت بناتي على أفلام الكارتون..
وإذا أخليهن يشوفن كارتون فمستحيل أتركهن وحدهن
أما آني موجود أو أمهن..
ومحددلهن وقت مو أكثر من ساعة.. باليوم فقط..
هسه ما أعرف سبونج بوب ومدري شنو بس بصورة عامة أفلام الكارتون سلبياتها أكثر من إيجابياتها..

والله نصيحة من أخيّج إذا تشوفين أطفالج يتقمصون أو يحجون مثل شخصيات أفلام الكارتون فحاولي تمنعيهم..
حتى لو بالقوة..

مااشوف منهم اشياء او تصرفات او كلام مو حلو او غير لائق لذلك تركتهم يتابعونها .. اصلا مرات انتبه عليهم يسوون شغلات اني مامعلمتهم عليها يفرشون اسنانهم قبل لا ينامون لان مستر بن هيج يسوي او زنوبة شنو تلبيلها من طلبات تكولك شكرا وهاي هم من الكرتون اتوقع جابيتها ..

اني مانعتهم من الموبايلات ومن الشارع فمااريد اكون بنظرهم الام المتسلطة اللي مانعتهم من كلشي ..
جانت نظريتي اخليهم يتابعون واكعد يمهم .. بس مخاوفي ان انه مو كل وقتي گاعدة يمهم اكيد عندي انشغالات ثانية بالبيت ..

هاي الايام احسهم جاي يقللون من الكرتون ونزلتلهم العاب تعليمية بالموبايل مالتي انكليزي وكذا امور وانطيهم الموبايل كذا ساعة باليوم اكول هاي افضل من نتورك ..


شكرا لرأيك ابو ملاك

[أبو ملاك]

مااشوف منهم اشياء او تصرفات او كلام مو حلو او غير لائق لذلك تركتهم يتابعونها .. اصلا مرات انتبه عليهم يسوون شغلات اني مامعلمتهم عليها يفرشون اسنانهم قبل لا ينامون لان مستر بن هيج يسوي او زنوبة شنو تلبيلها من طلبات تكولك شكرا وهاي هم من الكرتون اتوقع جابيتها ..

اني مانعتهم من الموبايلات ومن الشارع فمااريد اكون بنظرهم الام المتسلطة اللي مانعتهم من كلشي ..
جانت نظريتي اخليهم يتابعون واكعد يمهم .. بس مخاوفي ان انه مو كل وقتي گاعدة يمهم اكيد عندي انشغالات ثانية بالبيت ..

هاي الايام احسهم جاي يقللون من الكرتون ونزلتلهم العاب تعليمية بالموبايل مالتي انكليزي وكذا امور وانطيهم الموبايل كذا ساعة باليوم اكول هاي افضل من نتورك ..


شكرا لرأيك ابو ملاك

مثل ما كَلت أُم عبوسي..
سلبياتها أكثر من إيجابياتها
فمن باب الحذر واجب..
منعتهن بأول عمرهن.. أول خمس سنوات.. تقريباً..
لأن الطفل بهيج عمر مثل الببغاء
يستقبل الزين والموزين..

أما حالياً وهن بعمر ٩ و٨ سنوات
إلهن وقت مُحدد ساعة باليوم تلفزيون..
وتقريباً ساعة يوتيوب kids فقط..

وباقي الوقت عدهن خير من الله ألعاب وقصص وسبورات أشكال وألوان.. يستفادن منهن..

لذلك أكولج حدديلهم وقت مُعين وحاولي تكونين موجودة وياهم حتى ما ينقطعون عن حواليهم ويركزون بس على الكارتون..

والله يحميهم من شر هاي الدنيا..

[زهرة اللوتــس]

بالسابق كان الاطفال يتابعوها لكن تابعت معاهم وشفت مابيها اي نفع بالعكس مضرة غير مفيدة بعض اللقطات والحركات وحتى الكلام غير مقبول ومنعتهم بل حذفتها

بالسابق كانت هناك قناة براعم قناة تعليمية وافضل قناة للأطفال واضمنلج اي طفل يتابعها منذ الصغر ييقوم يتكلم فصحى وعن تجربة ويستفاد منها الكثير ولكن اصبحت مشفرة وتوجد على اليوتيوب وايضا عالباقات المشفرة مع القنوات الرياضية

اي والله انه هم جاي اشوف هيج وماجاي احبهن ابد.. احاول اخليهم يتركونها واحذفها ..

شكرا لمشاركتنا الرأي علي

[زهرة اللوتــس]

مثل ما كَلت أُم عبوسي..
سلبياتها أكثر من إيجابياتها
فمن باب الحذر واجب..
منعتهن بأول عمرهن.. أول خمس سنوات.. تقريباً..
لأن الطفل بهيج عمر مثل الببغاء
يستقبل الزين والموزين..

أما حالياً وهن بعمر ٩ و٨ سنوات
إلهن وقت مُحدد ساعة باليوم تلفزيون..
وتقريباً ساعة يوتيوب kids فقط..

وباقي الوقت عدهن خير من الله ألعاب وقصص وسبورات أشكال وألوان.. يستفادن منهن..

لذلك أكولج حدديلهم وقت مُعين وحاولي تكونين موجودة وياهم حتى ما ينقطعون عن حواليهم ويركزون بس على الكارتون..

والله يحميهم من شر هاي الدنيا..

تسلم ابو ملاك طبعا هو اي شخص عاقل راح يشوف انو الالعاب المهارية والتفكير افضل من الكرتون ..

شكرا لرأيك مرة ثانية

[❥ اوليڤَيــــــا✿┊❥]

هلووو حبيبتي

.للأمانة رح اسولف وياج عن تجربة شخصية.
التفاتة مهمة منج. بصراحة مريت قبلج بهذا الشك والمخاوف. لان التربية بالتالي معكوسة عالام اكثر من الاب.
لذلك اتبعت خطوات مهمة اذا منتبهين الي كم مرة انزللكم صورة كارتون واكتبلكم من قلب الحدث. هاي فعلا وياهم اتابع الكارتون . هذا اولا لاتتركيهم وحدهم
ثانيا. نتورك ع التلفزيون. مااعتقد وماشفت نزلت شي يسيء للطفل بس اتفق من ناحية اليوتيوب اكيد اكو قنوات خاصة للتخريب فأحذري منهم
وبالنسبة لهاي النقطة نزلت تطبيق يوتيوب كيدز خاص فقط للكارتون وانتي تحددين الشخصيات اليحبون يتابعوها

وبعد هوايه نقاط اذا انريد نحجي . بس لتخافين. كوني حريصة بأختيار الباقة الكارتونية حدديها الهم عن طريق اليوتيوب واذا عالشاشة فعادي نتورك. ومايطلع شي.
ودائماا اشغليهم وياج بلبيت والرسم والالعاب. بهيجي حالة رح يقل عدهم متابعة الكارتون

والي عودة حبي بالمشاركة مرة ثانية