هنا

[ارجع يازمان]

سبكه ابغبشت الله ابطرت الكاع
ولا مره مع اللعبوا.. لعبنه!
.
أأأخ اشكد تعبنه والتعب ضاع
النايم للضهر.. يسرك تعبنه!
.
ماعدنه طرب بانغام الايقاع!
وعله جلمة الأأأأه اشكد طربنه!
.
الدك باب البشر يتسمه طماع!
كالوا طامع ,, ابلمعة ذهبنه!
.
ضل باب الله وحده اليستر الجاع
ما نكصد الغيره ,,,,, و هو ربنه!!
.
لأن عشنه ابشرف مستنه الاوجاع!
واشكد لاكتنه ,, عثرات ابدربنه!!
.
غشمه انصير ويه الندري خَداع
ونعين اليستغل... طيبة كلبنه!
.
ولا غشينه ناس ابكل الاوضاع
وندري امخربط ايغش وغلبنه!!
.
طبعنه الما يوالم هاي الاطباع!
ما ذبينه بره ,, البره ذبنه!
.
شاركناهم ابمشروع الابداع
وفوك أرباحنه ! انوب انطلبنه!
.
لو ندري استفاده ابكلمة اوداع
جا ودعنه ونفارك عربنه!
.
بس ندري الوفي ابكل ديره ينباع!
واحنه الباعنه ... اليحلف يحبنه!
.
يم ناطورنه خلينه المتاع@
ونمنه ابهيمه ظلمه من تعبنه
.
وأول ماغفينه , باكنه ابساع!
سرك كل المتاع وكل شربنه!
.
فزينه , ولكينه الذيب , فزاع
اجه يحرسنه شافانه انهبنه!
اجه يحرسنه شافانه انهبنه!
حسين االساعدي

[أبو ملاك]

عاشت الأيادي..
قصيدة جميلة

[عـــࢪاق]

عاشت الايادي

[ارجع يازمان]

عاشت الأيادي..
قصيدة جميلة

حضورك اجمل شكرا لذائقتك