تحية طيبة
بعد الاتصال بالاخ العزيز فقار للأطمئنان عليه وعن سبب غيابه تبين لنا .
ان الاخ فقار عارضين عليه التمثيل في التشابيه يوم العاشر من محرم اخونا يكول وافقت كلت ثواب وبيه اجر عظيم .
بقيت بالليل احاول اسوي حركات وامثل كدام المراية واتخيل نفسي راكب عالفرس واقاتل وانصر الامام الحسين يكول حتى مانمت ليلتها والدنيا حاره وطافية الكهرباء وهو ابيض جنه كمر
المهم رحت الصبح لمكان التشابيه حتى اشوف الدور اللي راح ينطونيا .
شفت المسؤل عن الممثلين وهو اللي يوزع الادوار اجيت سلمت علي كتلة كلولي اجي امثل بالتشابيه كال ها انت اوك اهلا وسهلا شنو تريد تمثل يادور ؟
يكول اني كيفت كلت يمكن انعجب بشخصيتي وشكلي كتلة اريد امثل دور القاسم.
صفن باوع عليه وهز ايده كلي بابا انت عكروكة عالمشرعة مااخليك انوب تريد تاخذ دور القاسم
صاح لواحد كله انطي ملابس الشمر
يكول اني ضجتبس كلت هو تمثيل وبي ثواب .
المهم بدت الاحداث وخلصت التشابيه بعدني بملابس التشابيه تعبان وكاعد بالكاع
ما احس الا طابوكة براسيدرت وجهي اشوف منو ضربي ولن واحد طار بالجو وركعني دفرة
يكول من الدوخة وكعت بالكاع ولن واحد شايل توثية ويصيح ولك شلون تكتل الحسين اليوم اكتلك خلاص واني كمت اصيح الحكوني ترا تمثيل يمعودين اني فقار شبيكم
يكول واحد جيرانا اجاني يركض يصيح مع الاسف عليك فقار ولا تصورتك هيج ( هسه هذا شكله بلا )
المهم وما اخلص منهم الا تجي الشرطة تاخذني
وهسه فقار بالمستشفى عنده انحراف بالعمود الفقري من الدفرة
واربع خياطات براسه ورضوض بس الحمد لله صار احسن بلكي اليوم باجر يبين هنا .
طبعا اكو شغلة نسيت اكولها يكول الرميثي كان احد المشاركين بالاعتداء
مدري كام يتراواله
رد مع اقتباس
المشاركة الأصلية كتبت بواسطة Suzana
