هنا

[نور المهدي٣١٣]

راحو بالضعن راحو.. راحو.. راحو
بالبيت عافولي بنيه
حسيت ما بيهم جيه
ـــــــــــــــــــــــــ ـــــــــــــــــــــــــ ــ
ضلينه بالدار انه وعليلتهم
تواسيني بالنوح نبچي على فرگتهم
گالتلي حسيت هالمرة روحتهم
لا ما يرجعون من هايه سفرتهم
كل حيل متهدم بيه
حسيت ما بيهم جيه
ـــــــــــــــــــــــــ ـــــــــــــــــــــــــ ــ
يوميه عالباب اتگابل وياها
مو عله علتين مدمعها خلاها
يارب يرجعون وابچي ويه دعواها
ومن اسكت اردود ابچي على مبچاها
والموت يرعب طارية
حسيت ما بيهم جيه
ـــــــــــــــــــــــــ ـــــــــــــــــــــــــ ــ
بالحسره والاه ضلت تحاچيني
يمه السفر طال مشتاگه لحسيني
يم والدي اليوم منهو اليوديني
ان شاء الله يعود صحت بدمع عيني
وحسين متعود عليه
حسيت ما بيهم جيه
ـــــــــــــــــــــــــ ـــــــــــــــــــــــــ ــ

[صبـــآ]

شكرا لكم