هنا

[نور المهدي٣١٣]

ـــــــــــــــــــــــــ ـــــــــــــــــــــــــ ــيالرايد تفارگني.. تدريني اموت بلياك
يا خويه لا تتركني.. مابيه حيل الفرگاك
رايح صحت وين ياگره العين
لا تجرح حسين
ـــــــــــــــــــــــــ ـــــــــــــــــــــــــ ــ
افراگك صعب ما ينحمل وما يخطر عله بالي
ما حسبت بيه شيظل من انظر مكانك خالي
فگد الاخو يكسر ظهر ارحم يخويه بحالي
وياخويه ما شايف ابد غالي ويفارگ غالي
لاتمشي خويه ارحمني من عمري كون العمرك
ياخويه حيل اشبگني وضمني بحنان الصدرك
يكتلني الفراگ.. والصوتك اشتاگ.. خويه الصدر ضاگ
ـــــــــــــــــــــــــ ـــــــــــــــــــــــــ ــ
بعدك على الدنيه العفه مايسوه بعدك عمري
شلي بعمر ما بيه اخو وبيمن اشدن ظهري
افراگ الاخو مو بس حچي الفاگد شسولف يدري
وانه الحسن كل دنيتي وبس هوه يجبر كسري
ماكو مثل خوتنه چنه احنه تدري احلى اثنين
حلو شكثر لمتنه شمحلة الحسن وي حسين
من چنت احاجيك..اب ثاني الگيك..وبروحي اخليك
ـــــــــــــــــــــــــ ـــــــــــــــــــــــــ ــ
خويه شعجب شو من وكت تفارك اخيك رايد
ها يالحسن جرحي كبر وياكل بروحي گاعد
شگد حلوه اذا عندك اخو او واحد يحن الواحد
والشده اذا عافك غفل يعرفها بس الفاگد
يبن امي لتعذبني وين من اضيعك الگاك
افراگك تره يشيبني وتاليها ياخويه وياك
لتصدك ارتاح.. وحمل المتن طاح.. راح الاخو راح
ـــــــــــــــــــــــــ ـــــــــــــــــــــــــ ــ

[صبـــآ]

شكرا