يخيال الاصيلة اعدل خيامك
بيك يباركولي هنا عمامك
عمامك يـجاسم .. خيامك يـجاسم
وليــدي .. رايح حسافة من ايدي
ياروحي بالون زيدي
ضايعلي بالفلا شاب
غــالي .. ولا لحظة مر ابالي
تـَعبي يضيع اگبالي
وأثاري حلمي سراب
ثاري علية مكتوب
يبني يصبغ ايدي دمك
حـالي مثل بچي غروب
ونابت ابدليلي سـَهمك
روحي جريحة وتلوب
وگلبي ياحبيبـي يمك
حبيبي التارس عيـوني بـجمالك
اظـن نوم الظهـر بـ البـر حـِلالك
نحيبي يـجاسم .. حبيبي يـجاسم
ييُـمه يــجاسم .. حَبيبي يــجاسم ..
2...
بــدونك .. ماعيش أبد وعيـونك
من الغبرة شيل امتونك
بهاي ايدي مدلي ايـديك
غــافي .. بـ حر الظهر ماكافي
يبسن ييـمة اشفافي
بگد ما انادي عليك
حسراتي تگطر اهموم
أحچي گوه وامشي گوه
گلبي على ابني ملچوم
بـ عيني حل شبابة توه
طاح وتغسلة الدموم
اشـگد على الترب تلوه
طلع من غيمة اخيامه ابـ هلاهل
ورجعلي امگطع ودم نحره سـآيل
اجيلك يـجاسم .. دخيلك يـجاسم
ييُـمه يــجاسم .. حَبيبي يــجاسم ..
3...
ايـهابه .. العدو يحسب حـسابة
ومايفشل الـدگ بابة
وبالملگة سطرته نار
نـاسـي .. وباجـي هلي ونوماسي
جاسم يشيلة راسي
وعيونه الية مزار
ضـميتك من العيون
من اليشوفك ويحسدك
من السيف اضمك اشلون
وگلبي ياحبيبي عندك
يـَبني وحياتك اتهون
لعمتك وذراري جدك
الليلة ردت ازفك والدهر خــان
وبقى عريس رملة بغير دفــان
تنيتك يـجاسم .. دعيتك يـجاسم
ييُـمه يــجاسم .. حَبيبي يــجاسم ..
4...
روحــي .. شمعة وطفت وجروحي
تنزف حزن وي نـوحي
وفركهن ايد اعلى ايد
دامــي .. شفتك طريح وضامي
وماساعدني اجدامي
يم جسمك اوصل اريد
عمري فـنيته برباك
تلزم ايدي تالي عمري
شما التفتلك الگاك
بظهري تمشي هذا فكري
تالي كسرني فرگاك
امشي وايدية اعلى ظهري
يخيال الاصيلة اعدل خيامك
يباركولي هنا عمامك
عمامك يجاسم .. بخيامك يجاسم
ييُـمه يــجاسم .. حَبيبي يــجاسم ..
5...
ليــلي .. گضيته بـ الـيا ويلي
فراگ الولد هد حيلي
بليلة زفافة حرام
نــاري .. تچوي وتهدم داري
جاسم يچفنه الذاري
صارن شموعه خيام
راح اگضي من الآهـات
بنومة ابني ع الترابه
عماته هم غريبات
بفگد ابوهن ومصابه
هالليلة بالفلا انبنات
وباچر ابوسط خرابه
ماكو بكربلا أم ماكسرها
فراگ وليدها وحايط خدرها
گضينه يــجاسم .. نسبينه يــجاسم
كلمات الشاعر الكبير : أحمد الهلباوي
كتابة: ❀ Zharaa ❀
❀ MP3 ❀
♪ ❀ تحمـيل أو إسـتماع ❀ ♪
..
رد مع اقتباس