التفجيــــر
يعجبك هيج..فجر لو بعد شتريد
تظن تخفه الحقيقه وهم سلعنه اتبور..؟
رصاصك حيل رصه وشده بيك احزام
وعلى الايتام رشه وشهّد الشاجور
اكيد الكاع زعلت ما رواهه السيل
لجن سيل الدمه يعوّض عليهه ابحور
وتريد اخذ الحقيقه وكافي بس اوهام
دمه يخضر مراجل دمهه بس ايفور
على اربات الشهاده اتربت الاجيال
ومراقدهم تريد من اليتامه اتزوور
لأجل عزة وطنكم ما رفضتم موت
لذلك بيده ربكم وزعلكم نور
على اكبوور النحبهم وردت الوروود
وعلى اقصور الطغاة الما تحط اطيور
بمراجيح الفرح تستبشر الاطفال
وعلى احبال المشانق ينشنق عصفور
لذلك انته فجر ما يهمنه الموت
دنيه بلايه رحمه وخلهه بينه اتدور
كيد..واسعى سعيك ماتغير حاال
ضبابك هسه زال ولو تصير بسور
نجيبك والله شاهد خاطر الاطفال
نجيبك لليتامى ونكشف المستور
ونعلمك منهو انته وحتى تعرف زين
جبل هذا العراق الما يلف ويدوور
المقابر نعم زحمه ومن وره التفجير
وعلى اجساد الشباب شكد بجت لكبورر
ولان لون السواد تحزّم النه احزام
العراق اعلى الدقايق بيه طبك عاشور
العراق اعلى الدقايق به طبك عاشور
تحياتي
رد مع اقتباس
