هنا

[ذُوألـفَقـار]

اشبعد ياموطني عالموت فزعناك
بكثر ما فزعتنة وكلنة عد عيناك
نغنيلك نضحي وتحفر انتة كبور
وبقت نسوانة تربي وتكلك هاك
عدة كماط وجفن ما شفنة الابيض بيك
نفك الحزن بسود نرد حزنانين
اليعالج تدفنة وللقيامة يروح
لربك وصلت شبان ماميتين
وربك من وراك اتهم عزرائيل
مو مادازك جايبلي ذولة منين
ما اداري العدل والميت اداري
اكبورك من حجر وبيوت شعبك طين
حدد موقفك وحدك قيامة تريد
انترس عالم البرزخ بس عراقيين
وبالجبها كبل يحجيلنا ال بالجيش
ونقرة الفاتحة على المشو ملتحقين
هسة اطفال شعبك خبرة بالجبهات
طفل قناص بيدة وعشرة ممدودين
يمثلون الجثث واتفجر انت العيد
وماندري لعب لو صدك مكتولين
وجك عريس راح ابدلتة يدفنوه
واجت ربعة تهني بعرسة فرحانين
وصلوا لكوا جادر ؟طبو يعزون ؟
وصلوا فاتحة ال علعرس معوزمين
وغض النضر عن ربعة اعتبر ينسون
مرتة شلون بيها ماحسبت حساب
عتبها تكول تانة العمر ترضى شلون
ليلة دخلتة يكضيها بالسرداب
تحلم بالوصل هستوها فرحت بي
وكالت بعد ما افز لو اندك الباب
ونفس الحلم مر وتغير المضمون
وكالت بعد ما افز لو انطم بتراب

راقت لي

[إدريس]

شكرااااااااا