هنا

[فقار الكرخي]

صدى الماضي حلم .. ياخذني الك شوغات
وَ احس ضلوعي تتطابك بكل شهكة
يا ذاك النفس .. اليمشط زلوف النبض بالماي
الك بية خلك ليلة عرس محروم ..
ومسامر لحد يتبدى كل حيل الجفن بالشوف
گبل لا أغفى جيب ايدك على ضلوعي
وَ افز .. افز واگطع احبال الواقع واركض لعينك روح
أشبع خوف وَ اتدروش .. واختل بالسواد وافرش ضنوني
صدى الماضي نهر ياخذني الك بستـان .. علي شحة رسايل غيم
ياذاك القريب التسمع الرمشة .. الك بية عصافير بسما الغبشة
الك بية ورد .. توى الندا باساه .. نعسان ويدور ريتك بعطرة
صدى الماضي مطر كل ما يطيح يصير بعيوني دواير شوف
يالمعلمني اسولف كلشي لعيونك .. مو گتلك گبل لتروح
بقيلي وطن بي ريحة مـن طولك .. مفتاح الصبر ظهرك
فتحتة بوكت مو وكتة .. فتحتة بوكت بي تعبان بي محتاج للسكتة
صدى خفگة جنح طير ويطيح اتراب مِدرييہَ منين .. تبعته لديرة الوهواس ..
التم لمة البردان مہَטּ الخوف وصوت الغريب وديرة المجهول
بچفوفي أعصر براسي ما مش باب لـچفوفي









حـيدر النوري

[صبـــآ]

شكرا

[فقار الكرخي]

نورتي

[أبو ملاك]

تسلم حبيبي

[فقار الكرخي]

ضويت