السلام عليكم
بالبداية اعتذر على الاطالة بس اتمنه تقرون الموضوع للاخير
اني وعائلي 7 نفرات
3 خوات ازغر مني واخر ازغر مني وابويه وامي
مشكلتي اريد حل لاخويه الازغر
متعلم على الدلال من البداية وابوية دللة كلش واهتم بسعادته من كان طفل ولحد الان ( طبعا ما اكول ابويه ما اهتم بينه لا بالعكس ربانه احسن تربية) بس كان يضربنه ويقسي وعلمني وخلاني هسه اخاف الله والحرام ما اتقربله والحمدلله صائم مصلي
بس اخويه مواليد 2004 وطايش ويطلع بكيفه ويرجع ب 1 بليل بكيفه
حجيت وياه بالسياسة وحاولت اكسبه كلتله اني اخوك واخاف عليك من الناس ولا تحجي ويه البنات تره تجيبلنه مصيبه وما بينه حيلها واحنه معروفين عائلة كلها واصلة بالدراسة وموظفين
بس
ما يفيد
احجي منا ويطلع منا
اسلوبه كلش متعصب ومن يحجي ويانه يطكك عيونه ويصحيح وشنو يحجي لازم احنه ننفذ هيج يريد واذا ما حصل فلوس من يطلع يبقه يصيح ويعيط بالبيت
مرة ومرتين انطيته مصرف من يمي اشيل مبلغ زين
هو يروح بيومين يشتري ملابس لو يصرفه ع دين الملابس واكل من برا
يعني عديم المسؤولية كلش
يحجي ويه بنات بالموبايل ومن منطقتنه وكلتله عوفهن ما يفيدنك
تره الله يطلعها بعرضك لازم تطبق مبدأ العين بالعين والسن بالسن
ما يفيد
قسيت عليه هم ما يفيد كام يكرهني وما يجاوبني حتى على الموبايل من اتصل
ابويه من احاجي يروح عليه يصيح عليه وهو ولا كأنه احد يحاجي
مرة مرتين حاجيت اهلي يمعودين تره الولد ينحرف هيج ومستقبلاً الله ياخذ امانته منكم ( الله يطول بعمرهم ) اني تره ما بيه حيل مشاكل احب الهدوء ما احب الطلايب
تره اهج والله واعزل وحدي ، هم ما يفيد ابويه يكلي لا بعده اخوك زغير علمه اكسبه وهو عمره 19 سنه
والله احتاريت يعني لا اريد اخسره ولا اريده يكرهني
قبل شويه رجع حاجيته نتر بوجهي وعصبيه وكأنه اني عدو كدامه
يعني مرات افكر هذا مسحور
عجيب ماكو هيج انسان وكأنه يكره اهله
يعني حابس روحه بغرفته يسهر الليل كلة ويكعد العصر يتغده ويطلع ويرجع ب 12 ويبقه سهران وهكذا
طبعا استقبل منكم اي كلام حتى لو جارح بس اريد حل لان جد ارهاق نفسي من تشوف احد من داخل بيتك ومن دمك ولحمك خارج اطار التقاليد والعائلة والادب وكل شي
يعني بين قوسين صانع عالمه الخاص ويريد هو يسيره وحده بدون تدخل اي شخص
رد مع اقتباس
