قصيدة للقاسم عليه السلام على طور الميمون
https://t.me/alshaeraqeelalkadhmi/12279
قصيدة للقاسم عليه السلام على طور الميمون
https://t.me/alshaeraqeelalkadhmi/12279
عذراً الروابط الخارجية مخالفةالمشاركة الأصلية كتبت بواسطة عقيل الكاظمي
ارجو ادراج القصيدة بمحتوى الموضوع مع عدم
وضع الروابط الخارجية
طريقة الميمون
شمعة الشبان سيفه بيمينه
أگبل اعلى حسين ودمعته بعينه
----------
شمعة الشبان * بيده بتاره * حي عزم جاسم
شافه عمّه حسين * ودمعه يتجاره * والثغر باسم
وابتهج من شاف * هِمْته واصراره * اعلى الحرب عازم
دينه يفخر بيه ويفزع لدينه
يضحي لجل الدين ودمعته بعينه
----------
دينه يفخر بيه * وحگه لو يفخر * بجاسم وعزمه
للشهاده يريد * وگلبه يتفجّر * اعليهه بالهمّة
ما هوه الدنيا * جاسم وقرّر * يفتدي عمّه
يدري من دما ايحنّي چفينه
وقدّم الچفين ودمعته بعينه
-----------
قدّم چفوفه * يدري تتحنّه * من دِمَه المصرع
وعمّه من شافه * اعليه جِذَب ونّه * وگلبه يتگطع
وضمّه لصدره * جروحه لچمنّه * ويهمِل المدمع
فاگد المظلوم گومه وبنينه
واصبح بتمحين ودمعته بعينه
-----------
قدّمه لجسّام * حسين والجمرة * تسعر بگلبه
لن يشوف امّه * عيونهه ابحسره * امن الخيم تِربه
رمله تتحسر * تسچب العبره * لفرگته الصعبه
تعبت اعلى ارباه ذكرت سنينه
وبيه تشب نارين ودمعته بعينه
-------------
نار عمّه حسين * الراد يطفيهه * بفيض من ادماه
نار گلب امه * الوجرت بيهه * وشبّت الفرگاه
جاسم بهل حال * دموعه يجريهه * أصبح امن احشاه
يرجع لأمّه؟ لعمّه ايعينه ؟
يفكر بأمرين ودمعته بعينه
----------
والرُبه بأحضان * ساحة الحومة * للحرب يختار
وما يعِز جاسم * نحره ودمومه * لضنوة الكرار
يفزع لعمّه * وينصره بيومه * وحانت الأقدار
وفرّقت ما بين أمه وبينه
وضمّه حِجر البين ودمعته بعينه
-----------
جاسم اعلى ارمال * كربلة اتصوّب * اتوسّد التربان
بالثره اتعفّر * بالدِمه اتخضّب * شمعة الشبان
انطفت أنواره * عالثره امترّب * وبْدِمَه الإيمان
غُسْلَه والتربان صار تچفينه
بالثره التچفين ودمعته بعينه
------------
عقيل الكاظمي / بغداد
اني نقلتلك القصيدة مباشرة من الرابط الخارجي ونشرتها هنا
والرجاء منك مستقبلا بنشر القصيدة مباشرة هنا والإلتزام بعدم ادراج الروابط الخارجية
رد مع اقتباس