هنا

[البرنس الباوي]

دك شامت الباب وكزبر البيت
وبلخطوه اعثرت الفين عثره
سولف كتله كلي شجايب اخبار؟
البقايا بطيف ولفك كلي أنطره
خلص شوفي كله ابعتبة الطيف
... يدور بلكي منك يلكه نضره
من كدما نطرتك ترجع وياي؟
عرك ميل الثواني وصار كطره
وسومر نفس ريتي ابجلة الليل
وانه النفس جان بريتي كمره
...نبرة صوتي ورده امطرزه احساس
لذلك حجييي كام يفوح عطره.
خزرة عيني جانت تنسمع صوت؟
واليسمع ينطرش من انه اخزره
هسه انهب كلشي وأوصلت وين
صار أصياحي يشبه صوت الابره
مو طابوك بيتي أبنيته جلمات
لني ابكل شبر بانيلي ذكره
من تفرغ صفنتي امليها طاريك
لان طاريك تارس روحي عشره
أحجاية بخت عندي اتهز دواوين
ثكيله هواي كلش جنهه صخره
حكت انفاسك انه بصوت عصفور
وانته بنفسي حايك ميت حسره
حركت روح عندي أخيالي شعليه؟
هذا الشي وحيد الما افسره
من تبعد عليه اتوجر الروح
ولون اخيالي كله يصير جمره
أبرد تشرين تلكه بروحي تموز
واذا بلصيف يمكن الله ادره
شجاك ورحت مني وغيري ماشيت
نسيت امحلفك انه ابخبزه سمره
انه منكع لهفتي ابير مسكين
حسره الشمس عنده اضوي حفره
نكلة جدم عمري شبيك تمشيه؟؟
وتبدي اسنيني ماي ابريج صحره
يالمة احساسي وشوغة اصباي
جنت وياك حاسب عمري اضفره

[ذُوألـفَقـار]

حلوه القصيده
شكرا

[مرتضى الطيب]

رؤؤؤؤعه وربي
شكرا على الطرح

[مرتضى الطيب]

رؤؤؤؤعه وربي
شكرا على الطرح

عاشت ايدك