بسم الله الرحمن الرحيم
اللهم صل على محمد وال محمد وعجل فرج ال بيت محمد
خلونه نرجع كل زمان الراح ** وخل نقره سوه وتاريخنه انــكلبه
شوف اجم خلافه وجم حكومه البيه ** وجدامك صحف تاريخنه وكتبـه
هم شفتم خليفه ايعانق الايتام ** وحزنهم والالم عاش وسكن قـــلبه
لو شفته رئيس ايلبس العريان ** ومن طيبه وحنانه ايوكله ويشـربه
وهم شفتم حكومه تنصر المظلوم ** وتحققله اليريدهوكلشي اليرغبـــه
لو شفتم رئاسه اتساوي بين الناس ** وتزيل المعضله وتسهل الصعبــه
لو شفتم امير اويه الرعيه ايعيش ** والخادم يحضنه بلهفه ويقربـــه
لو لو شفتم وزير ايعوف كل دنياه ** وما عنده طمع بالدنيه لا رغـــبه
بس حيدر علي هاذي الصفات البيه ** مشه بنهج الرسول وما خــلف دربه
الامين العام صار واصبح المسؤؤل ** وحزب الله الحقيقي منهــجه وحزبه
حكومه اتساوي قنبر وي علي الكرار ** وكل فاسد اثيم اتوقفه وتأدبـه
مابيهه رشاوي ولا نهب للمال ** ولا تحكم غلط كل مجرم بذنبــه
حكومة خيرنظام الداخلي الانصاف ** ماتعرف وساطه ولا اخو وقربه
اذا هو الرئيس ايمثل القران ** ودستوره النبي وصار الحـكم ربه
لا دك لافته لا علك الاعلان ** لان رب الجلاله هو منتـخبه
وصوله
يالتوصف علي يصعب وصوله
حواه الدين بفروعه واصـــوله
أله جولة حرب تشهد وصـوله
خلت بالــــــسراب احلام امــيه
رد مع اقتباس
