كلمات قصيدة نستقبل عاشور
الرادود حيدر السعد
وا حسيناه وا حسيناه
****
نستقبل عاشور دگ صدرك مأجور وإبچي اعله المنحور يستاهل دمع العين
راية ابچفّك شيل و لزملك زنجيل
و اصرخ وي جبريل و ا ويلا عله حسين
يا هالناس بالاحساس
عاشورا نستقبله و وبندا يا كربله
نبدي ايامه
و الأعلام من العام
عالسطوح ايرفرفن بالحسين اتجننن
حته أعلامه
احمر دمع المجالس
اسود لون الملابس
يهتف وَيَّانه عابس
يا ابا عبد الله
بينه لجل الفواطم
تغرگ كون المآتم
َوَصّه خادم لَخادم
يا ابا عبد الله
وا حسيناه وا حسيناه
****
شدّيناله احزام رادود و لطّام
مشكور الأعلام بث اجروح العطشان
متحضرة الهيئات و أصحاب العِزيات
و يكتب لطميات ألهم شاعر سهران
القَدّم ماي اجره هواي
و عِندْ ابو اليمة انحسب مثل ما قَدّم وَهَب
و عابس و جونه
ابكل عاشور أُمّه ادور
و اليرتّب بالعزه منها ياخذ جائزة
تكحل اعيونه
أخدم و اخذ الهدية
جنّة من الزچية
و نادي عينك عليَّه
يا ابا عبد الله
إلحگ جَتّنه الضعينة
سَجّل وي خادمينه
و اصْعَد بأسرع سفينة
يا ابا عبد الله
وا حسيناه وا حسيناه
****
باچر تنشر ثوب من الدم مخضوب
أُمّ صدر المعيوب دم تجري من العيون
بالواحسيها واسيها الزهراه
و ادموعك و الآه حضّرهن لجل ام عون
للمذبوح ظَل مَجروح
عَايش أجواء الذبح منحره و ذاك الرمح
و جثّة موجوعة
بالأحزان و النيران
شد رِحالك للسفر جربة مذبوحة ابنهر
و راية مفجوعة
أُوصل يم الشريعة
تلگه جرح الوديعة
كافل چَفّي گطيعة
يا ابا عبد الله
راقب قاروة الدم
و ادخل صَرْحِ المُخيم
عُمرك عيشه مُحرم
يا ابا عبد الله
وا حسيناه وا حسيناه
****
بشهر المسبيات مقضية الحاجات
نبديها الدعوات للغايب بالتَعجّيل
ندعيله المعبود مهدينه الموعود
من غيابه يعود و نسمع صيحة جبريل
بين آلام طف و شام
شما نظر بعيونه تل جرحه يكتب مُستهل
و يقره لطمية
ابصدره اصواب لا ما طاب
دم دموعه تحولت بحاله شيصير المشَت
عمته مسبيه
ماشي ابدرب الهزيلة
عينه ابعين العقيلة
شايل جرح العليلة
يا ابا عبد الله
يبچي وحده ابعذابه
نازف من الخرابة
ينعه جدّه و مصابه
يا ابا عبد الله
****
وا حسيناه وا حسيناه
mp3
رد مع اقتباس