راسم المصير
مُطرَت غيوم الوفه بساحة جهاده
مسلم السفير
خاطب جيوش العده بصوت اعتقاده
الكل تسمعه وتدري طوعه
-------------
حاصروه جيوش برماح وبواتر
بمنطق الكرار خاطب هل عساكر
صاح ما عندي كلام اويه الصغائر
عندي سيف اليغسل وجوه الكبائر
شينفع الخطاب
يا ثمود وكفرت بآيات صالح
الكم العذاب
ياللي بعتوا الدين من اجل المصالح
وبعتوا شرعه وتدري طوعه
------------
گالوا ارمي السيف واخضع للاماره
رد عليهم والغضب كدّر نهاره
هذا يومي امن المهد ماخذ قراره
لو حياة بعزه لو موت بجداره
أنصر الحسين
لو تكلّف نصرته دمي أسيله
يرخَص الوتين
وآنه غير حسين ما عندي وسيله
هذي فزعه وتدري طوعه
------------
گالوا احفظ دمّك ابعد عن مماتك
بايِع ابن زياد لا تخسر حياتك
گبال هذا الجيش ما تحصل نجاتك
لو جبت طوفان نوح بمعجزاتك
ما إلك مُجيب
وجثّتك نرميها من قصر الإماره
إترك الغريب
لا تنصره ، حسين موته بانتظاره
لموته يسعه وتدري طوعه
------------
من سِمَع اسم الحُسَين اهتز كيانه
تحرّكت غيرة علي بسيفه ولسانه
عرف كل الكون ما يكفي بيانه
ويّه گوم التعشگ الذل والإهانه
وابتده النزال
سد عليهم حتى بوابة فَرَجهم
ساعة القتال
فكره يم ابن النبي وسيفه ابمهجهم
لبس درعه وتدري طوعه
-------------
طوعه چانت واگفه گباله وتراقب
هجم عل عدوان هجمة ليث غاضب
من عزم يمناه راواهه العجايب
هيه تدعي وهو ينحر بالكتايب
طلبت النصير
وما لگت بيهم حميه ولا شهامه
بموقفه الخطير
نسه جروحه وما نسه مصيبة امامه
بعينه دمعه وتدري طوعه
------------
غِسَل وجه الموت بدماه الزكيّه
ساعة الطاح ابغدر گوم آل اميه
خبر مسلم من وصل للغاضريه
بدفتر حسين انكتب أول ضحيه
بموقفه الشريف
ضحّه لحسين بغربته ودم وريده
جروحه والنزيف
بعين ابو السجاد شافتهن حميده
وصار ينعه ** وتدري طوعه
------------
#عقيل_الكاظمي / #بغداد
رد مع اقتباس
