هنا

[ارجع يازمان]

إذا عاقل عشت بين المجانيين
يتحتم عليك اتصير مجنون.
.
حتى ايعم تفاهم بين الاثنين
وما تطلع نشاز اتشوه الكون!!
.
وإذا شفت البشر عالطمع ماشين.
كللهم ترى انه اهوايه مديون!
.
طبعهم ماتغيره الصارله اسنين.
لو ينزل نبي هم مايقنعون!
.
لأن عدهم طبيعي امفاشل الدين!
همهم بس ربح بس مايخسرون!
.
لتحير باألم ميفيده تسكين!
عليمن تنقهر عالما يحِسون!
.
تتعب لو تطلع الزين والشين
اذا با أفكارهم ما يستقرون!
.
صعب وحدك اتغير هالملايين
خصوصاً وانته عدهم مدري اشلون!!
.
بادلهم محنه ام المترتين!!
نفس ما عدهم ولا تنطي مضمون!
.
واليبوسك ابوسه. بوسه مرتين!!
وصير احسن ممثل من يمثلون!
.
يعني طالما هيج الموازين!
أنطيك النصيحه وأنه ممنون!
.
الك تختار من هاي الخياريِن
لو تهجر تصير ابغربه مسجون!
.
لو ترضه بلواقع وين. ماوين.
بدل ماتنقهر وتهل العيون!!!
بدل ماتنقهر وتهل العيون!!!
حسين االساعدي