طر الفجر يافجر گلب اليحب ماينام
شاعر يصير الدمع لمن يموت الكلام
ما استحق صحبتك يكفيني ردّ السلام
يكفيني ردّ السلام
1
اني اصغر من احبك وانتَ اكبر من حبيب
وانتَ اكبر من قضية تنتهي قبل المغيب
هيه كلها الدنيا ملكك لكن انگـلك غريب
يلي ساترنا بثيابك والثمن جسمك سليب
تظل عالي بأمر ربك .. تعالى
يساكن روحي واندهلك .. تعالى
لون مو راسك مو برمحك .. تعالى
فلا راسي اترتفع يبن الزچيه
فلا راسي ارتفع يبن الزچيه
لو نفترض ماتحب مايبقى للحب مكان
لو ماصدر ينسحگ مات بصدرنا الحنان
لوماتطيح الخيم مايبقى مسجد حرام
مايبقى مسجد حرام
.............................
2
والله لو ماتحني ظهرك يم الكفيل
ماتظل الخوه خوه والهجر هوَ البديل
علمتنا الباع دينه يرخص وعايش ذليل
والتعيش براسه غيرة مايساوم مستحيل
وحگ الـ بالخيم چانت .. ترابك
عرفت عيوني من تعمى .. ترى بك
لون مايرتوي من دمك .. ترابك
فلا تسجد عليه الرافضيه
فلا تسجد عليه الرافضيه
نمنا بأمان ورغد يالنايم اعلى التراب
لو ماحبال السبي يبقى الحبل بالرگاب
لنك حنين وترف يلتم عليك الحمام
يلتم عليك الحمام
.............................
3
علمتنا الينصر الحق ينولد يوم الممات
والله لو مايحچي نحرك يرتفع صوت الطغاة
بالوزن ادري اضفرك اثگل من الكائنات
من نقيسه ابماي وجهك قطرة ميصير الفرات
چبير وكلشي يصغرلك .. كفالك
يضيع الكون من يمتد .. كفالك
عجيبه اتمددت والطف .. كفالك
ورمش عينك غطه لهاي الوطيه
ورمش عينك غطه لهاي الوطيه
ينزف رضيعك لجل يبقى العطر بالورود
لو شفنا بيرغ يرف صحنا الفخر للزنود
من مصرعك للنهر تمتد جروح الخيام
تمتد جروح الخيام
.............................
4
لوطحت چا كلشي طايح بس طحت للارتفاع
انتَ يا اوسع سفينة وچف ابوفاضل شراع
خنصر ايدك كونه ضايع يعني ضعنا وكلشي ضاع
والله لو ماتزئر انتَ نخضع لحكم الضباع
وحق الـ عالنهر طاحت .. يساره
ترى ابزودك كلايفنه .. يساره
لون ماراحن الخدر .. يساره
فلا صار الشرف عدنا هويه
فلا صار الشرف عدنا هويه
لوما وجودك ابد ماتنوجد كربلاء
صوب جبهتك حجر صار ابگصصنه الحياء
گالو وجع للخيم وانتَ ارجعت للأمام
وانتَ ارجعت للأمام
..............................
الشاعر - السيد عبدالخالق المحنة
zhr
Mp3
رد مع اقتباس
المشاركة الأصلية كتبت بواسطة علي الواسطي
