ماذا تفعل لو كنت عايش لوحدك عندك عمل وعندك بيت وكل شئ مطلوب منك وانت ما متزوج وما تحب تتزوج حاب تعيش حياتك حر طبعا هذا السؤال مو بس للرجال والبنات ايضا
لا تنسى واجبات البيت من تجهيز طعام وغسل مواعين وغسل ملابس وتنظيف بيت او شقه حسب المكان اللي انت عايش بيه وهل احيانا تتكلم مع نفسك هم تتعصب والمثل يكول نار العزوبيه ولا جنة الزواج
تحياتي
ببساطة لا اتفق ...الوحدة مميتة رغم انها الاختيار الانسب و فرصة العيش برفاهية اكثر وحرية و استقلالية لكنها تفتقر للمغامرة ...المغامرة ليست تعدد العلاقات او الصداقات والسفر...لا
ان تغامر بكل ما تملك من اجل ان تشاركه مع من يستحق ذلك
وفي النهاية تحتاج الى من تسند رأسك الاشيب على رأس شريك حياتك لتتذكر نعومة اظافر ابناءك وكيف كبروا وكيف تجاوزتم معا كل المحن ... الزواج بصراحة تحول تام من الفرد الى المجموعة
من فلذة الكبد... لا علم لي برأي الرجل..لكنني ولدت لاكون ام ..بصراحة احب ان اكون قائدة لاسرتي .. احميها وادافع عنها كوطن
كاسرة كل القيود ...يكفي السير وايديهم تمسكك كانها تخبرك انك انت الملجأو الامان
لا علم لهم انهم مصدر تلك القوة
الزواج يعلمك ويدربك ويربيك و يروضك حسب ما توصلت اليه
يخرجك من منطقة الراحة للبحث عن افضل الطرق لحل المشكلات المالية
والفكرية والتربوية ؟..مؤسسة صغيرة تديرها بعقلك وقلبك معا
شكرا للموضوع ودمت بخير
يابه الحريّة ما إلها علاقة بالزواج..
بالعكس الزواج يخليك تتحرر
وتنطلق ببداية جديدة..
الإنسان الطبيعي والسوي ما يفكر
يعيش وحده بهيح طريقة..
الف شكر سيدتي ونعم الرائ واذا جائت الرياح بما لا تشتهي السفن مالذي نفعله ولست انا اول واحد ولا اخر واحد لااننا اعيشين في بلد اوربي اما تتزوج من داخل البلد او تتزوج وحده غريبه عن طورك اجنبيه يعني وهنا المراءه هي الامر الناهي انا لو كنت عايش بالعراق لا بالعكس اكيد اتزوج ونتساعد اني وزوجتي بالحياه هي تطبخ واني اغسل مواعين هاي هي الحياة العصريه بس اني ولله الحمد عندي صديقه معوضتني عن الف زوجه
الها ساعة فرج
الف شكر على روعة مرورك وحسن حضورك ولكم منا فائق الود وعالي الاحترام سيدتي
اعذريني نسيت اخبرك باني كنت متزوج والي اربع بنات وانا جد والي احفاد تسلمين
فاتنا قطار العمر والحمد لله على كل حال مدبر حالي وجنت اليوم هوايه مخبوص ما اعرف اسوي اكل لو اكتب لو اشارك الاعضاء بالمنتدى وحياتك قليت شجر مقطع وباذنجان وبطاطا وسويت سمك تونه بالبصل وسويت طماطه بالدهن ويه البصل والباذنجان والحريه موجوده صدك اني عايش مرتاح اكثر من المتزوج بس اني طرحت هذا السؤال على اهل البلد احنا هنا بالدنمارك ضرفنا يختلف
نتمنى كل الموفقيه والنجاح لكل عراقي وعراقيه
واحر احر التحايا من اخوك ابو ميس
ينبغي علينا ان نوازن بين الوحده والاختلاط بالآخرين .
الوحده صعبه لمن لا يملك اصدقاء او ناس تحبه .
احياناً من المفيد ان نجلس وحيدين لبعض الوقت لنراجع انفسنا ولكن هذا لا يعني ان نعزل انفسنا عن الآخرين .
الف شكر على مرورك ورقة حضورك نورتني وبالتاكيد على كل انسان ان ياخذ فترة راحه من الشغل والبيت والمسؤليات واكيد كل انسان اله ظرفه الخاص بيه بدول اوربا هوايه ناس عايشين لحالهم سواء رجل او امراءه
والحقيقه كان الموضوع و اكثر من حب استطلاع ورغبه بالنقاش وبنفس الوقت يبدي الانسان المتزوج يحس بمسؤليته اتجاه زوجته وعائلته
فتقبل منا احر التحايا
اغلب المغتربين يفتحون قناة ع اليوتيوب يشاركون بيها يومياتهم.
مساء الانوار ست سوزان
اكيد كل انسان اهنا بالغربه اله شئ معين يستمتع بيه اللي عنده يوتوب وهوايه اكو برامج تواصل اجتماعي بالنسبه الي ست سوزان مرات انخبص وما اعرف طريقي وين ومرات اسوي ثلاث طبخات باليوم اسلق الباقلاء ةاقلي باذنجان وشجر وبطاطا واسوي هريسه لاان طعامي يختلف جدا عن باقي البشر لاانو ماعندي معده بس الشئ اللي استمتع بيه هو هذا البرنامج وماعندي غير درر العراق وصار عندي مثل امي وابويه ساعه ادخل وساعه اطلع وعندي برنامج اشوف بيه افلام ومسلسلات عربيه وجنبيه والحمد لله مرات ما اتاخر بالنوم
هاي وحده من يومياتي والحمد لله اولا واخيرا
الف شكر على مرورك ورقة حضورك سيدتي
احر التحايا
رد مع اقتباس