آنه بهجرک مثل ديچ إنذبح يم رجلين عرسان
كاتلني الوجع و العالم تهلھل
*************
ابوس الصفنه .. اذا بيها انته مريت !
*************
وراي شبيك تحجي وآنه امدح بيك ..*****
تعال كَبالي احجي وطلع عيوبي ...
مو ضايج لان تحجي علي للغير
بس ضايج عليك اتشيلي ذنوبـــي ! *********
ربك ما خلق من عندك هواي
وي كل جيل بس واحد هدية
**********
عشر مترات عني شارد شبيك
ردت بوسه ولك مو ضربه حره .. !
***********
على درب المشاعر راح احط صبات
واكتب مغلقه لاسباب امنيه !!
************
اريد ارجع طفل مو لجل عمري يطول
حته ابدي بمحبتي وياك من صغري
***********
مخنوكَ خنكَة سجن
متروس بس ايتام
بالعين ملح وجرح
ما أدري يمته تنام
يل كَتلي والله الك؟
جا وينه حجيك ولك؟
تحلف بالله جذب؟
جا احنه مو اسلام؟
***********
جبيرة وداعتك كلمة الله وياك
ادفني بطريقك لو ردت تمشي
***********
شفــت موقــف يهــز أركــان الإحسـاس
اعذرونــــي بعــــد مــا بيـــه اقـــــــــاوم
يتـــــيم بمدرســة ويحـــاچي الاستـــــاذ
يگلّـــه أستــاذ .. حافــي يصيـــر أداوم...!!
*****
نحله أتهجــّرت منحلهــه بي عبوات
تــِـدَوّر منحل أو تفتر عله أوصافــــــك
لگــت منحل عسل بشفافــك ألحـلوات
بعد شتريد إجتــّي أوسكنت إشفافـــك ***********
انه اجروحي خواتي واستحي يطلعن ..
ولا كدام شامت بالبجي يفرعن ..
***********
ألف مرّه إجيتك بس قفلت الباب ..
وانت لغير واحد بابك مشــــرّع !!
*********
قوى من الخمر تأثيرك اعله الروح ..
انعد ع السكارى وما ضكت گطرة
*************
ادعيلي بصلاتك من تصلي اليــوم
الله يشافي كَلبي المنجرح منـــك
**********8
تعال اليوم عيد الحب يبتدي وياك
ونذرت الجيتك ما اشعل اشموع
اعلك روحي الك وحركهه للروح
إلى حد ما تذوب بحضنك اتموع
واتحداك لحضة اضيع وياي
ما اشاقه انه بهيجي موضوع
**************
بيتك من زجــــــــــاج وبابه مشلوع ..
على الوادم احــذرك تشمر حجار
خشب للنار اجــــــــمع وأشمر بذوق ..
خشبه العدها غيــــره تعور النار
******
رجعت اضحك على سنيني الكَضت وياك
وعيون الشماته بفرحتي مصـــدكَه
شافوا ماي بيدي توقعوني اسكَيك
مايــــدرون اطـــــــفي بشجرة مــحتركَة
*************
رد مع اقتباس
المشاركة الأصلية كتبت بواسطة نوارس الياسري
