هنا

[ارجع يازمان]

علمتني الدنيا كلمن,, صفر صار اعله الشمال
جي سهل جان اويه ناسه ,, وما رفض الهم سؤال!
الناس كمت اتخايل الها ,, اكبار بعقول الجهال!!
لأن بالأصعب تحَسب,, تنطي تقدير الجبال!!
كون تشعل تسع اصابع,, اتصير مابيك اعتدال!!
ليش ما تشعل العاشر؟,, الهم وتنهي الجدال!!!
العازه غربيل المواقف,, تنهي سبعين احتمال!
والمصيبه اتذكر الهم!!,,وانه رهن الاعتقال!
الذكريات العندي ضلن ,, كلها صدمات انذهال!
يوم ما دنياي عكست,, كَطعوا حتى الوصال!
ومن رجعت ابخير هسه ,, ما كلت ماكو مجال!
​(اتخايلت) فادوني همه ,, وصَدكت ذاك( الخيال)!!
انسيت وتناسيت كلشي ,, ودمرت سابع محال!!
وصرت للمعتاز مسند ,, وانه اصايح له تعال!
وأبد ما غلست مره,, بالضحك او بانفعال!!
وأدري اليفكر ابروحه,, وينكر أفضال الرجال
المصلحه تعميله عينه,, وينسه كل ذاك الدلال!
بالاخير ابكلشي يخسر,,ينضرب بأسمه المثال!
مايه راح ايصير خابط,, حتى لو جابه زلال!!
عالوهم باع اليفيده! ,, اشلون لو صار اتكال!!
تدري ليش الدنيا خربت!,, وصار بيها الاحتيال
لان صرنه ما نفرق ,, بالحرام وبالحلال!!
لان صرنه ما نفرق ,, بالحرام وبالحلال!!
حسين االساعدي

[جمال الجيزاني]

صح لسانك يا مبدع وادام الله نزف قلمك
تقبل احر التحايا