من يومي واني منعجب
يا حلوه طبيتي الگلب
وعداً عليّ يا بنت
اترسلچ الرگبه ذهب
هايه الشمس لو تختفي
من ضوه خدودچ اكتفي
انه العليل من الهوى
وبشوفتچ بس انشفي
يم الگصايب والخصر منحوت
غمزات عينچ موت
عاشگ مشيتچ حيل يا لب الگلب
عطرچ يكفي الديره لا ويزود
لاهو مسچ لا عود
لازم جمالچ هذا
ينحط بالكتب
ويحليوه يالدمچ عسل
شعرچ على خصرچ نزل
لو نزلت نجوم السما
ليش الفضاء بيها انشغل
نورتي شاارعنا وهله
ديرتنا بيچ مكحله
تراب التخطينه تره
مثل الذهب سعره غله
يالخيزرانه عيونچ اتطگ حيل
صوط اعلى ظهر الخيل
والدنيا كلها تميل لو مال الخصر
انه الحضرتچ يم اعيون وساع
يا كل نُودود الگاع
ترديني اصير اشراع
وتحول جسر
لـ الشاعر : فقار الماجد
رد مع اقتباس