من اولها لو قاريني بس مشغول !
ماشفت الـ علسطر ؟
والـ على غلافي ؟
متغير صدگ بس مو بهاليومين
خليت المعاتب والجرح خافي
من شفتك تجي بلاواهس اضطريت
اضم كل السوالف واقفل شفافي
انه تغيرت من كمت اميل الناس
ادور شوفتك واكف علطرافي
من چانت ضحكتك كوه تطلع چان !
خلگك مال واحد نيته يجافي
من صارت اسرارك يمي ماتنگال
واتدنت لصوتك وادم خلافي
من ظل موعدك ينسي وتالي تگول:
اي والله نسيتك بالي مو صافي
من گتلك تره انه بخاطري بخاطري وتانيت
دمعك حتى اگول مسامح وعافي
چا لو فازع لدخانة المحروگ
لو مامنتظر ينگالگ طافي
بعد ما رافگه الذاكرته تغدر بي
ولاصديتله المايعرف يوافي
منك وانتهت
للگيش حد خليت
لو يغمگ بعد لو يترك ضغافي
انا مدليك بيه وفاكلك بيبان!
مادليت بيها البلحلم غافي
چنت ابحرلك بلا بوصلة ولاريح
لا للموج راي ولا لمجذافي
چا مالحت ضيي بدون ماعليك
گلّب ذاك ليلك بي شرح وافي
فارشلك ورد تحتمي جدامك بي
عن لا تنجرح بخشونة جتافي
بعذر مايشتعل ماظل بعد بردان
خليني بجرح لكن جرح دافي !
ماريد الحروف الما بنصهن روح
اجل اليعتذر كون العذر شافي
گبل حتى الزعل وانه بذروته الگاك
تتقمص زعلتي وتاخذ اوصافي
واراضيك بعذر من باب اخسرك خاف
هسه من ارد اربحك اخسر انصافي
اسمعك يمكن وماقاطعك بس راح
اكو واحد بگلبي يصيحلك كافي