حاجيني يا ام عيون نجمات وكمر
حاجيني يا ام خدود بسمات وسحر
ناجيني ولا تخلي الناس تتشمت وتضحك
ولا تخلين الليل يكبر بساعات الفجر
احس بروحج الملهوفه بكبر الزعل
والحزن ما يكدر عالشفايف بدموع القهر
يا خذني الليل باشواكه وتثور الروح
بغيابك وتزعل والزعل عدها بحر
هايج ياخذ بامواجه سواحل ويبلع
براكين وسفن وشيهدي الروح بصبر
شيهدي الروح بفراكك ومن يوكف دمع
ندمان بايامه الراحن وراح العمر
صدكني شربت من كاسات الدهر احزان
ومن عرفتج غيرتي ترانيم السهر
سولفيلي ولا تعذبين الجروح بوداعج انه
احس بالموت ياخذني ويذبل زهر
كلميني ولا تخلي الدمع حيران ينزل
بالف عبره والف نار على الصدر
تدريني شكد احبج واذوب مثل
الشمع لو شفتج بليلة سمر
فرحيني بلحن صوتج يا طير السعد
فرحيني بسمة شفافج يا اغلى عمر
حبيبي ارسم الضحكه بوجودك طيف
ولا تخلي الزعل ياخذني بروجات البحر
يا روحي يا ام خدود سمره تاخذ الروح
وعيونج تذوب شموع بليالي الكمر
حبيبي انه ما نمت بغيابك ولا غمض
جفن بمناطرك ولا نساني شغل ولا امر
لا تصدك انسى ايامك الفاتن بالاعياد
مبروك كل عام وانته بالف خير
ربي يسعدج واشوف ضحكاتج
يا ام خدود وعيون كتاله بجمر
احجي ولا تخلين الزعل يرسم حروفه
على حيطان الوفا وتضيع ايامنا هدر
حبيبي ارجوك لا تزعل يا ابو رموش
الغزال انه ما اكدر على غيضك عسر
انه جبيتك يا وفي يا بو عيون نجمات
يا خدود العسل بشفافك جمار وسحر
رد مع اقتباس