سنقدم لكم روايتنا الاولى: بين الصداقة والحب فقد اجتهدنا بها نتمنى ان تنال اعجابكم ....... الكاتبتان : صغيرة بس خطيرة
~~البارت الاول~~
في احد مستشفيات المدينة المنورة
احمد : دكتووووووووور تعاااااال بسرعة
وصل الدكتور وبكل سرعة ولدت غادة وجابت بنوتة سمتها تولين
راح الدكتور بكل سرعة على الغرفة الي جمب غادة
ريم ولدت جابت بنوتة كمان سمتها ليان
في جهة اخرى ...
ابو خالد : مبرووووووك يا ام خالد جاتك حفيدة
ام خالد الفرحة مو سايعتها وعلى طول مسكت الجوال ودقت على خالد وسارت تبكي (دموع فرح ) : تتربى بعزك ياولدي ايش سميتها ؟؟
خالد حس بفرح امه وقال : تسلمي يالغالية سميتها ليان
.....في جهة اخرى .....
ابو احمد : تتربى بعزك انشاء الله شنو سميتها ؟؟
احمد : سميتها تولين يالغالي
وبدأت الاتصالات والتهاني تكثر للمولودتين
بعد مرور ١٢ سنة
في بيت خالد
ليان دوبها صاحية من النوم عشان المدرسة اول يوم في المتوسط قامت واخذت شور سريع وراحت للصالة
خالد كان في الصالة يفطر هوا واولادو
ليان لما شافت ابوها باست يد ابوها وراسه
وبرضو كمان امها وسلمت على اخوانها وقعدت تفطر معاهم
اعرفكم على عائلة خالد
خالد ( ابو بدر ): عمره ٥١ سنة صريح مرررا ويدلع ليان بشكل جنوني
(زوجة خالد )ريم : عمرها ٤٢ ملتزمة مربية بنتها ليان احسن تربية
اولادو:
بدر : عمره ٢١سنة ويحب دراسته حتى في الجامعة
بندر : عمره ١٩ احياناً عليه حركات مرررا غبية ومغزلجي
صقر : عمره ١٨ هوا وبدر كل شي يسوه مع بعض يعني اخوان بمعنى الكلمة
محمد:عمره ١٣يحب يتمشكل مع اختو ليان هما الاثنين توم جيري محبوب مررررا ويحب الخير للناس معروف باسم( تشميسة )
ليان : عمرها ١٢ تفكيرها دايماً منطقي وهيا وصحبتها تولين كانهم واحد
وابو خالد مات الله يرحمو وكان عمر ليان ٣ وام خالد بعدو
/
في جهة اخرى
/
تولين كانت تفطر مع عائلتها ومتشووووقة تروح المدرسة عشان تشوف صحبتها ليان
عبدالله : يوووه ازعجتينا من اول الصباح خلاص عرفنا انك متشوقة لصحبتك ليان
تولين : بااااابا شوف عبدالله يعني حرام اتكلم
احمد : خلاص انت وهيا يالا صباح خير
ملاك : بابا خلصت فطور يالا انا جاهزة
غادة : ملوكة افطري تمام عشان صحتك
ملاك : انشاء الله مام بس الحمد الله شبعت
خلونا نتعرف على عائلة احمد
احمد (ابو عبدالله ) : عمره ٤٢ شديد شوية بس فيه طيبة ويدلع ملاك لانها اخر العنقود
غادة : عمرها ٣٩ شخصيتها حلوة مو شديدة مرا ولا طيبة مرا وتدلع عبدالله <<< هع حزنتني تولين محد يدلعها
عبدالله : عمره ١٦ سنة يعرف كل شي يخص تولين بس احياناً يسيرو توم وجيري ودلوع امه
تولين : عمرها ١٢ هيا اوسط العائلة تحب رزان بنت خالتها مرررا لانها بعمرها وصديقتها ليان
ملاك : عمرها ١٠ دلوعة ابوها لكنها مررا تحب اختها تولين
/
/
وصلت تولين المدرسة وبعدها ليان
تولين لما شافت ليان على طول راحت حضنتها :يادوبة وحشتيني
ليان كانت تبكي من الفرحة لانها شافت اعز صديقاتها : انتي اكثر يا روح ليان
توزعو البنات وتولين وليان جلسو بالصف الاول وكان وراهم بنتين اتعرفو عليهم وكانت وحدة اسمها يسرى وسديم
ابلة وداد : ليان تعاليلي على مكتبي
تولين طلت على ليان بخوف وقالت ليان : حاضر ابلة وخرجت من الفصل والف علامة ؟!! استفهام فوق راسها وصلت لابلة وداد وقالت ابلة وداد : انا سمعت انك صديقة تولين من الروضة
ليان : ايوة يا ابلة احنا صديقات وما يفرقنا الا الموت
ابلة وداد عصبت وقالت : انتي اسمك بأولى /٤ ليش رحتي 1/2 بس عشان صحبتك وبدأت تتكلم بعصبية : انتي جاية تدرسي ولا جاية تكوني علاقات ؟؟
ليان نزلت عينها وسكتت
ابلة وداد : الحين خذي اغراضك وروحي 1/4
ليان انصدمت من ردة فعل الابلة وسارت تبكي لاشعوريا
ابلة وداد زاد قهرها يعني لهدرجة تحب صحبتها وتبكي عليها : روحي الفصل وبعدين اتفاهم معاكي
الي كان محير ليان انها ما تعرف الابلة ولا عمرها كلمتها وهيا اول سنة بالمتوسط
رجعت الفصل وعلى طول حضنت صحبتها تولين وسارت تبكي : ليش ابلة وداد تكرهني وتبغى تفرقنا من بعض
وحكت لتولين الي صار
استغربت تولين من الي سمعتو واتخيلت انو تكون وحدة بجمبها غير ليان
تولين زادت عصبيتها وراحت على طول على المرشدة الطلابية وحكتها الي صار وقالت لها ابلة عواطف : خلي الموضوع عليا ومالكم الا الي يرضيكم
تولين اتطمنت وفرحت بنفس الوقت : شكراً يا ابلة بجد ما اعرف كيف اشكرك
ابلة عواطف ابتسمت : هاذا واجبنا اتفضلي على فصلك
تولين على طول راحت لليان وصرخت خلاااص انتي راح تبقي هنا وزي ما قلتلك ما يفرقنا الا الموت
/
/
الكل وصل لمدرستو واستلمو الكتب وسارو يحكو بعض عن اجازتهم وجا وقت الانصراف وكلهم رجعو البيت تعبانين
/
/
في احدى بيوت ينبع
: يمة اذا خلصت بدق على تولين تراها واحشتني الدوبة
ام رزان : انتو ما تملو من بعض امس رجعنا من المدينة ما امداكي اشتقتيلها
رزان : ايييييش اسوي بننننت خالتي واحبها
ام رزان : ههه الله يخليكم لبعض يالا رزان انزلي ابوكي يستناكي تحت روحي المكتبة
رزان : طيب ماما وباست راس امها وراحت
ام رزان : الله يرضى عليكم يارب
~ رزان بنت خالة تولين ~
/
: لوزي لا تبكي انشاء الله تشوفيني كل يوم عندك
زاهية ( لوزي ) : كيف تبغيني ما ابكي وبعد خمسة اسابيع راح انقل من المدرسة
نسيبة : فراقك صعب علينا وما راح انسى احلى ايامنا معاكي
لوزي رسلت ليها :
تمضي الأياام سريعہ !
ستختفي ضحكاتنا مع بعض
سنفقد اجتماعنا في الفصل
اشتياقنا للفسحہ .. (: ♡̷♡̷
تجمهرنا عند دورات الميااه !
لن يسأل أحداً بعد اليوم :
( بناات شكلي حلوو اليوم ) ؟ ؛$$
وكم باقي من الوقت ؟!
سنفقد تلك الأرواج والعطورات
التي كم تشاجرنا للحصول عليهاا
من التي تحملها من الشلہ ..!♡̷
سنفقد الموزع الحصري للعلک '
هي 5 أسابيع ويعلن الفرااق :
فتنسكب الدمعاات وتغلق الأبواب وتطفأ الإضاءة !
/
الصداقة لا يمكن لأحد القضاء عليها حيث كان
حتى لو طال الزمان على الفراق لابد من الرجوع
ليان كانت فرحانة مرا لأن كل يوم بتشوف تولين
فتحت المسن
لقت تولين موجودة
ليان: اهلين بتولينتي
تولين: احم احم اكيد وحشتك
ليان: خفي علينا يا واثقة
تولين: احس بغثيان لأن الهم جانا
ليان: ههههههههههههـ وربي ابلة وداد قاهرتني
تولين: ماعليكي منها هادي الغبية
ليان: بس هيا ابلة وتقدر تسوي اي شي
تولين: ابغا افهم ليش تبغى تفرقنا هالنتفة
ليان: ههههههههههههـ نتفة مرا وحدة
تولين: ليان برب عبدالله يناديني
ليان: تيت
انتظرت ليان صحبتها وكانت بتكمل تصفح بالمنتدى
وبعد 5 دقايق
تولين:بـآآآكـ
ليان: ولكم ,ايش يبغا منك عبدالله
تولين:رجعنا لطبعك الشين ياملقوفة
ليـآن:اعرف إني ملقوفة بس قولي وخلصيني
تولين:أعرف إني ماراح أسلم من شر لقافتك فراح اقولك
ليان: قولي وبلاش غثاثه
تولين:طيب اعصابك,قالي لي جيبي لي مفتاح السيارة يبغا يجيب اغراض من البقالة ,شبعت لقافتك اللحين
ليـآن:آهـآ يعني شئ تافهه,المهم أيـش نطقم بكـره لون
تولين:أحمر وأسود
وظلوا يتكلموا الى اخر الليل ونـآموا
~~~~~~~~~~~~~~~~~~~~~~~~
في صباح يوم جديد
رزآن:ماما من جدك يوم الربوع رايحين المدينة عند خالتي غـآده وآآآآآي حمــآآس بقابل تولين
ام رزآن(عزيزه):ايوه بس تجهزي بدري لان بعد بكره سفرتنـآ وقولي لآخوآنـك
رزآن:من عنووني
ام رزان:خلي عيونك لك وروحي قولي لاخوانك
رزآن زعلانه ومكشره: مــآآآممـآآ لاتفشليني أعطيني وجه على الاقل
ام رزان:ولا شرايك مانروح المدينة دامك ماتسمعي الكلام؟
رزآن:لاآآآآآآآآ,لاخلاص اووكي اشوفك على خير يالغاليه
~~~~~~~~~~~~~~~~~
وفي بيت خـالد(أبو بدر)
ليـآن:بابا خلآآص أنـآ جآهزه
ابو بدر:يلآآ نادي اخوانك قوليلهم أبوي تحت يستناكم
ليـآن:حـآضر
~~~~~~~~~~~~~~~~~~~~~~~~~~~~~~~~~~~~~~~~~
وفي المدرسة عند ليـآن وتولين
....
تولين: من زمـآآآآن عنك يا.............(وقفت تولين عن الكلام للحظه)
قالت بعصبيه:ليش البكله لونها وردي مو قلنا اسود وأحمر
ليـآن:معليش كنت متآآخرة لاني نمت الساعة2
تولين: طيب مشيتها لك ذي المرهـ
ليان: الجرس دق يالا ننزل للطابور لا ناخذ تهزيئ كالعادة
وراحو للطـآبور ومن الطابور لأبله عوآطف
تولين : أبله ايش صار على موضوعنـآ أنـآ وليـآن
ابله عواطف:كلمت ابله ودآد وهي رافضه بشدة وتقول إنكم مشاغبات من أول السنة تسسبوا مشـآكل كيف إذا اجتمعتووا بفصل مره وحـده أيش بتساووا
ليـآن: لا يا ابله والله ماسوينـآ شئ كلهـآ يوم واحد أيش مدانا نسوي فيه مثلا؟؟؟
ابله عواطف:طيب خلآآص أصلاآ أنـآ جهزت لموضوعكم من بدري وكلكم روحوا على فصل اولى/2
ليان وتولين شكروآ ابله عوآطف بإحترآآآم وراحوا على فصلهـم=)
وبدآت الحصص وكآنت كلها فرآغ لانوا في اول الدرآسة بس طلبوا منهم ملفات ودفاتر ومن ذي الاشياء
واتعرفت ليان على بنت اسمها يارا
~~~~~~~~~~~~~~~~~~~~
جـآت حصة التـآريخ...
دخلت أبله ودآد لفت وجههـآ إلى تولين وليـآن وأعطتهم نظرة كلهـآ حقد وقالت : ماتوقفوا عنـآد يعني لآآزم توصلوا السالفة للمشرفـة؟؟
تولين: ابله اسمحي لي هذآ من حقنا وبعدين إحنـآ هاديين ما عملنا لك شئ خطـآ
ابله ودآد وهي مكشرهـ:لا والله وكمان لكي عين تردي عليا خلاص يسير خير
.......
تولين وليـآن ماعليهم منهـآ وكملوا كلآآمهم
ليـآن:تولين أيش رآيك نرووح المكتبه مع بعض
توليـن:طيب اوكي بـس عالعصر لإنـي اكون فاضية
ليـآن:طيب اووكـ نتقابل في مكتبة جرير
تولين:اووكي
~~~~~~~~~~~~~
وأذن العصر وجـآء وقت ذهاب تولين وليـآن للمكتبه
..
تقابلوا كلهم في المكتبه وبدأو يشتروا الاشياء مع بعض
وهما بيقضو بيتكلمو مع بعض
........
ليان:ترى انا قلت ليارا اليوم بروح مكتبة جرير
تولين: تصدقي احس اني ما رتحت ليارا هادي احس وراها سالفة
ليان: بالعكس مرا حبيتها
تولين :المهم تتوقعي ليش رآح تنقل زاهيه من المدرسة مره حزنتني
ليـآن وعلامات الاستفهام بوجههـآ:ليش مهتمة بالموضوع لذي الدرجة؟؟
تولين:لآآ,بس شفتها إنكسر خآطري بتنقل من المدرسة وماراح تقابل نسيبة بعد كـذآ يعني زي انا وإنتي لو تفرقنا
ليـآن:صـح,أنـآ شفتها كانت بتبكي لكن سمعتها لما كانت تكلم نسيبه تقول لهـآ إنوا في واحد ما ادري مين ’هو السبب اللي اضطرت عشانه تنقل من المدرسة
توليـن: عجييب تتوقعي أيش السبب؟
ليـآن:والله علمي علمك
ليـآن قالت بهمـس:شوفي الولد ذآ من اليوم ورآنـآ
تولين بفهاووه مو داريه عن شئ:هـآه؟؟ مين ذآ والله ما ادري تصدقين توي الاحـظ
ليـآن:ايش عنده دا بسم الله ياويلي خآيفه
تولين: ماعليكي مكتبه ماراح يقدر يسوي لك شئ وبعدين أبوكي تحت بس صرخي ورآح يجي
ليـآن:ههههههههههه الله يقطع عدوينك يا شيخه بلاش تفاهه أنـآ خـآيفه
تولين بعصبية خفيفة: تدري ابغا اقولك شئ ياحياتي ياعمري يا لولتي مع نفسك ولا تتدلعي وخلينـآ نخلص من الاغرآض بسرعه
ليـآن:حـآضر خلآآص بس لاتعصبي وقالت بهمس:وجع ياشينها لمـآ تعصب
توليـن: كـأني سمعت شئ؟
ليـآن:لالا سلامتك ماقلت شئ 0_0"
..........
الولد جـآء عنـد تولين(طبعا سمع الكلام اللي كان بينها وبين ليـآن) وقال لهـآ: إنتي تعرفين زاهيه نـآصر
تولين بإستغراب(ذا وش يبغا الله يستر):أنـآ؟؟ ايوه أعرفها صحبتي في الابتدائي
الولد:هي تبغا تنقل من المدرسة بعد 5 أسابيع صـح؟
توليـن: أيوه راح تنقل بس إنت مين قالك؟ إنت أخوهـآ؟؟ إنت أصـلآآ إيش تبغا منـي؟؟؟
ليـآن تنغز تولين مع ظهرهـآ وقالت بصوت وآطئ:توتي لاتورطي نفسك معـآه هيا نروح
توليـن بهمس:أنـآ وآرثة اللقافة منك بس اسكتي ما يقدر يسوي شئ
الولـد: لابس حبيت اقولك إنوا السبب في فصل زاهيه هو أنـآ
تولين بحده: ايش سويت لهـآ؟؟
الولد: أعصابك بس إنتي رآح تقدري تخليها تقعد بالمدرسة لكن على شروط ..
تولين خلآآص ارتفع ضغطهـآ : إنت إخلص قول أيش عندكـ لاتطفشني وإنت ميين؟؟وأيش هذي الشروط؟
وأيش مشكلتك مع زاهيه أيش سويت لهـا؟
الولد: كوني متفهمه ولا تعصبي لان الامور راح تنقلب عليكي إنتي
ليـآن: معليش مع السلآمـة مانقدر نتكلم مع ولد مانعرفه
الولد:أجـل زاهيه رآح يكون مستقبلها بين يدكم
تولين: أيش قصدك ....
0الولد: السالفة وما فيهـآ إنـو****************
~~~~~~~~~~~~
إنتهى البااارت ...
توقعاتكم
الولد ايش يبغا من تولين وليـآن؟ وأيش قصته مع زاهيه؟وليش راح تنفصل زاهيه؟؟
ومين هو ذا الولد أصـلآآ؟؟؟
وأبله ودآد ليش ماتبغا تولين وليـآن يقعدوا مع بعض؟؟؟
ليش ابلة وداد تبغى تفرق ليان وتولين ؟؟
ولوزي ليش تبغى تنقل من المدرسة ؟؟؟
كيف بدايتنا ؟؟؟
البارت حلو ولا لا ؟؟؟
رد مع اقتباس
