ايجوز الما تحبه غيرك ايحبه!-حسين الساعدي
ايجوزالماتحبه,,غيرك ايحبه
ليش اتخربه كلش ! خاطر اتذبه!
واذا تحتاجله انوب!
راح ايشبعك اذنوب
صوجك بدليت السهله بالصعبه!
ايجوزالماتحبه,,غيرك ايحبه!!
::::
اليأمن ابهاي الدنيا مجنون
مابيها ثقه ومابيها مضمون!
اعرف اغنياء صاروا يجدون!
من الجانوا ايجدون بالغربه!!
ايجوزالماتحبه,,غيرك ايحبه!!
::::::
اذا صادق تموت وكاذب اتموت
يعني الحالتين ايلمها تابوت!!
قبل لتبدل الحفره بالبيوت!!
لازم من كلامك تطرد الجذبه!
ايجوزالماتحبه,,غيرك ايحبه!
::::::
الخبزه الما تعجبك الها جوعان
اذا كضها يصير اهوايه فرحان
لا تخبط الماي وتمشي يفلان
ممكن تعطش وترجع تشربه!!
ايجوزالماتحبه,,غيرك ايحبه!!
حسين االساعدي
رد مع اقتباس
المشاركة الأصلية كتبت بواسطة أبن ذي قار
