لا تَعمم الصَح تـمم الغلط رمم أنجح وصمم
شـنو يعَني التعميم نَورسُ؟ وشنو هَوَّ أصلاً وشنو مُمگن يضرنه، هَسسة أكُلكم عَيونيّ،
التـعميم هَوَّ انُ مِنْ تحجي عن شي أو تشرح شَيّ تجمع الكُل يـَعني أتعمم علىٰ الكُل، وبتالي اليّ يععمم هَوَّ ماعنده ثقة ذاتة أو شَوي غير واعَيّ
يـعني مِن يصير وياكُم مِوقف سيئ مثلاً جبتو درحة مو زينة، شراح تگولون واللّٰـهِ انا حياتي گلة مابيها حظ! واللّٰـهِ انا غبية! واللّٰـهِ انا ولا مرة جبت درجة بيها خيير، ومِنْ هذا الگلام هُنا شراح يصير راح يصير ارسال العقلكُم الباطن، ويطبق الگلام اليّ عممتو علىٰ حياتكُم بتالي يسبب الكُم أنعكاس سلبيّ
هَواية تجيني حالات او مِثلاً وحده تريد تحجيلي مشكلتها، ماتركزلي علىٰ المشكلة نفسها لا تجمعلي اهلها وعائلتها وبيتهم، ونفسها وطبعها! وتعمم على كُلشي بطريقة سلبية، بتالي راح يصير عدها احباط وفقدان التحكم بحياته وهم يقلل الشغف تجاة هدف معين تريد تحقهه
وهُنا مراح تگدر تحل مُشكلتها او تلگه حل الها لانُ عممت علىٰ أگثر من شي فـ صار عدها تشديد، مُمَگن يصير عدها حالة نفسية، وأظطراب وتفقد سيطرتها علىٰ حياتها
فَـ هُنا العله هَنا المُشكلة سالفة التعميم، وانُ تجيبون وتجمعون كُل صفاتكم وحياتكم بحاجز سلبي وراح يشكل عندكم مُحيط من السلبية والشكوئ وفقدان الطاقة ويمگن قلة نجاح وانجاز شي تردونها
التَعميم مِنْ اخطر المُرسلات العَقل، فَـ مِنْ تريدون تحجون شي او تنطون رئيكم مثلاً فلانة سافرت وسعيدة بحياتها مو تجين تكولين باع هاي تطلع وتسافر وانا دوم هيچ حياتي فاشلة ومحد يطلعني ولا شي او البنات كلها سعيدة وحده شتريد وانا كُلشيّ ماعندي! بتالي مثل محيتي كُل النعم الي بحياتچ ويمگن انتِ جاهلتها! أنا متاگدة اليّ يحجي هيچ جاهل نعم حياتة وممكن أهلكُم منطيكم كُلشيّ والحَمداللّٰه مستورة بس بطريقة گلامكُم عن حياتكُم ديزيدكُم سوء
لازم نحذر أثناء حياتنا، أو اثناء گلامنا، نرگز علىٰ الگلمات اليّ نگولها، من نريد نحجي مشكلتنا نحجيها هي بالضبط بصورة صحيحة ونلكها الها حَل ومنجمع وياها عدده اشياء بتالي مراح نحلها ولا راح نسوي شَيّ .
خَلونا نرگز علىٰ النعم الحلوة بحياتنا والايجابية اليّ مُمگن جاهلينها، أتذگرو اللّٰــهَ گريم ورحَيم مُستحيل يبخل علىٰ عبده بشَيّ، الامتنان والحَمد هَوَّ يزيدكُم نعم وراحة، .
فـ بداية الموضوع كُتلكم مُقتبس حَلو لا تُعمم، الصح تمم الغلط رَمم انجح وصمم، وأعتقد الاقتباس واضح، بس أتاملو بيه شَوي وخلو قاعدة حـلوة بحياتكُم تگون حـل الكُم او تذگير بالنجاة
لاتنسون عادة التوجيه بَـحقوق القناة :
رد مع اقتباس