بـداية جـديدة أو شَلون مُمَگن أبدي بـداية جَدية
هَوايه أجتي رسائل انُ نورس نَريد نـبدي بداية جديدة ومَنعرف شلون وشَنسوي، فَـ تعالو وياي بهذا البوست راح أنطيكُم خطوات بسيطة رُغم هواي منزلة بوستات بخصوص هذا الموضوع بس لا أحَس جد محتاچين تبدون بداية جديدة .
أول شَيّ أريد مَُنكُم، يگون عَندكُم يقين با اللّٰــهَ عز وجل وتگون عندكُم رُوح الايمان، والحُب والاطمئنان تجاة اللّٰــهَ عز وجل، أريد مثل هيچ تنطون أشعار العقلكُم أگو أمل وخييير
أخَذو نَفس عَميق المُدة دَقيقتين، حالياً ويگون شهيق زفير وبعمق، وعددو مٍن الـ 5 الـ 1 بالعگس بكُل هَدوء، وغَمضو عَيونكُم أريد لهل الحضه يگون عقلكُم متنشط وهادئ، حَتئ تگدرون تطبقون اليّ راح أكوله بكُل أستقبال وگولو اثناء هذا التمرين أنا أستقبل كُل الطاقات وسوف أبدي بداية أفضل نحو التغير النفسي باذن اللّٰــهَ
بـعدين أريد تفگروليّ بحياتكُم بصورة عامة شبيها؟ علاقاتكُم شنو؟ صلاتكُم شلونه؟ علاقتكُم ويه أهلكُم؟ علاقتكُم وبه نفسكُم؟ أخذولكُم اعاده فره تفگير علىٰ محور حياتكُم گولو أنا راضي علىٰ اليّ أنَـا بيه؟ هـل أنا أستحق هيچ أعيش نفسي؟ هل يصير اضيع وقتي ومُستقبل هيچ بالظلم الذاتي ويه الناس وتعاملي وتسويفي وتگاسليّ؟ اليّ داسويه هَوَّ صَح؟ بعد ما فگرت أطلع 5 سلبيات شفتهُم بحياتي واگتبهُم بورقة بنوت بالحافظه؛ وأفگر بيهُم، گملو وياي
بـعد ماگتبت السلبيات، أبدي أخلي خُطه، صَحيحه، أنُ أتخلص منهُم واعتبرهُم عادات تحتاج مني جُهد فترات معينه وصبر حتئ أتخلص مِنهُم، الاشخاص السلبية، أسويلهُم دليت صديقاتي أي أحد أذا مسببيلي ازمه نفسية لمن بقيتهُم؟ أحب علىٰ احساب نفسي ليش هَوَّ الحُب يعني أضر نفسي ومُستقبلي؟ خلاص أنا نويت التغير يَعني فعلاً أتخلص مِن السلبيات اليّ بحياتي، حتئ المواقع والقنوات
صلاتي أبدي أفَگر أنا بدون صلاتي شَنو؟ شلون أتوفق؟ شلون اتواصل ويه رَبي الگريم؟ شلون أحقق 50٪ من أهدافي؟ أعرف دَيني أبحث عَن الصلاة فضلها مو لا اتعمق بالدين وووو لا أبحث حتئ الگي حل الصلاتي المُتقطعه وهمالي الجانب الديني أسويلي جدول الصلاة اليومي ظهر صبح مغرب، وهيچ وعلكه كبالي لحد ما الاتزم واتحس، وكُلشيّ بالتدريچ يتم، حَتئ صلاة الصُبح من راح تلتزمون راح يصير عندكُم توفيق عچيب تجاة حُب الصلاة، أنصحكُم بگتاب فاتتني الصلاة سهل ومفهوم
تعاملي ويه أهلي أحاول أحسن منه تصرفاتي عصبيتي گلاميّ أگتب شنو عاداتي شنو تصرفاتي وحاول اشتغل عليهن شوي شوي، تعاملهم وياي قاعدة منكدر. نغير من أهلنا، بس نگدر نحسن من مشاعرهُم تجاهنا أنَا مِنْ أبدي ثقتي وحُب الذاتي ليش اتأثر بالتنمر والگلام السلبي اتعود علىٰ أهلي يچوز هُم هذا طبعَهم انتقادين بس من اسمع واسُگت او أبجي راح اعلمهم نقطه ضعفي ويتعودون عليها بس لا من ارد گلام باسلوب يبين عندي ثقة بنفسي وقوة، مراح يگدرون ياثرون بيكُم
أگلي نظامي نَومي؟ ليش هيچ مضيعة وقتي الثمين،؟ دراستيّ هية اليّ راح تصنع مني شخص جديد لانُ من خلالها أبدي بدايه جديدة واگدر اگون بالمگان الاحبه واحقق اجزاء اهدافي البقية ليش ليش؟ هيچ اضيعهن من أيدي علمود شخص او گلامه لو صعب؟ ليش أخلي گتاب يگون اقوة مني؟ كُلشيّ بالعقل والتدبير ولفهم يسهل، النوم بالتدريچ مو كُبل اخلي ب5 أگعد وانا انام ب 3 الصبح، لا أحاول أفهم نفسي. انُ اريد بداية جديدة اخلي مُنبه بـ 10 لصبح أگعد اخلي الي اهداف معينه شسوي شنو اشتغل شنو استكشف اشوف محاضرات اتعلم لغة؟ اقرا كتاب؟ اطور من شخصيتي اتعلم اتكيت؟ اسوي تامل العب رياضة؟ اشرب 8 اكواب مي؟ اسوي عناية؟ انظف بيتنا؟ ارتب خزانتي؟ اقرا جزء قران؟ اسوي استغفار عدد معين؟ هيچ أخلي الي مهام بسيطة حرفيًا راح تصنع من يومكُم .
أذا عندي خلل نـفسي وتعب، أحاول التجئ الاشخاص خبراء أو مُدربين افضفض أطلع كُل طاقتي واعرف شنو حل مُشگلتي أذا معرفتها هية شنو واذا لا فـ أبدي أگتب كُل مشاگلي العاطفية والنفسية والي دعاني منها بورقة أفرغ بيها بچي ندم كُلشي خلاص أتخلص منها انگت نفسي منها عادي اطول علىٰ هاي الورقة 5 ساعات اهم شي اجدد ذاتي واطلع كُل صراعاتي، وبعدين اخذ الورقة واحرگه واتخييل وياها خلاص انمحت باذن اللّٰــهَ أنا انسان جديد حُر، خلاص اتناسئ مو شرط انسئ القساوة هية تعلم الانسان وتبني، .
أتذگرو شغلة وخلوها بالكُم محد يقرر عندكُم يبنيلكم حياة واو وبيرفگت أذا مقررت مِنْ نفسكُم وحاربت مشاعرك الداخلية وامراضكُم، وقاومت وبلشت خطوة اولئ محد راح يحارب حتئ يغيرلك ولا راح يگد، ولاتنسون لا يغير اللّٰــهَ بقوم حتئ يغيرون مِنْ انفسهُم أصفنو بيه وراح تعرفون شقصد، لا تبقون واگفين ومنتظرين الباب المسدود عوفو الباب وشوفو الشباك راح تلگون اگيد شباك مفتوح أطلعو منه وتحررو
رد مع اقتباس
المشاركة الأصلية كتبت بواسطة حَـــــــــلآوَة
