التَفكَير المَفرط ، !
موضوعنا ليوم حَيكَون عن التَفكير المَفرط واسبابة وشلون ممكَن نَتخلص منة
التَفكير هو شي طَبيعي عن كَل انسان ، وضروري ، ويعتبر من لاشياء العادية انو العقل دائما يدور داخلة عدة أفكَار مَواضيع ،
لكَن اذا زاد هلشي عند حدة ، راح يصير هَواية تأثيرات ، علئ لانسان وراح تسبب انزعاج وحتئ حالة نفسية وضغوط نفسية مرات ،
فَ ضروري نَعرف بلبداية شنو انواع التفكير ونتخلص منة ، !
_تَفكير بلمستقبل
_تفكير بلمشاكل لي حصلت
_تفكير بلدراسة
_تفكير بلمال
وهواية مَواضيع لانسان يفرط بلتفكير بية وهلشي يعتبر غلط ،
التَفكير المفرط يسبب هواية مَشاكل داخلية وخارجية ويأثر علئ الحالة النفسية نفسة ، ويسبب نسيان هواية ، وهم يسبب عدم التركيز والعيش في الواقع وهم يسبب عدم لانجاز والنجاح ، !،
ومن لامثال ، انو انا اذا خليت خطة معينة او اشتغلت بفد شغل معين وفكررت هواية بلدخل لي احصلة او المال شلون راح يكون او اضل احسب او افكر شلون راح يكفي وافرط بلتفكير بية ، راح يسبب فشل جبير بلعمل نفسة ومراح يكون ربح بية او يكون مراكز عالية
وكَذلك التفكير بلدراسة والفراط بلتفكير السلبي والخوف تجاة المستقبل هم راح يسبب رسوب وعدم النجاح او عدم الحصول علئ الدرجة لي انتَ تردية
لانسان هو لسبب بكَل شيء يصير بحياته والسبب رئيسي شنو يفكر بية وعقلة الباطن شنو تكون طريقة تفكيرها
وكَل راعي مَسول عن رعيتة ،
التخلص من التفكير المفرط بسيط هواية ،
اول شي هو التحكم بطريقة التفكير اي التحكم بلمشاعر الداخلية انتو لي تقررون شعوركم شنو جيد او سيء ، التحكم بلمشاعر الداخلية والسماع الة والسماح لة بخروج ،
تغير طريقة التَفكير ، اذا جانت سلبية سو خلال ٥ دقائق انو تغيرون هلتفكير من سلبي الئ ايجابي ، من خلال التنفس ورياضة واكل شي لذيذ ، او سماع برودكاست ايجابي
افكاركم حاول تكتبونة وتشوفو شنو فائدتة ، سيطرو علئ عقلكم ، راح اسيطرون علئ حياتكم ،
قراء الكَتب ، ومشاهدة محاضرة مَفيدة ، والكتابة ، والرقص ، و الطبخ ، كلة تقلل من لافكار المفرطة، !
حرصو دائما انو متفكرون باجر شنو وكلو امركم الئ لله وبنو ثقة بينكم وبين لله سبحان وتعالئ ، ودائما قنعو عقلكم انو اني مؤمن بالله خلص مالة داعي افكر لي يصير خل يصير
وعش اليوم كَانك تَموت غدا
رد مع اقتباس