حبُيني وحبوباتي تربعوا احجيلكُم عنَ " الاكتفاء بالنفس أو الاكتفاء الذاتي"- اول شي باعوا خلي اعرفكُم عَ الاكتفاء الذاتي : هو أحد المراحل المتقدمة من تقدير النفس والثقه الزائده بلـ نفس ، بهاي لمرحله يكون لشخص مكتفي بنفسه ومقدرها ومتفاهم معَ نفسهُ ، بهاي لمرحله الشخص يعرف نقاط ضعفه ونقاط قوته ويحاول يحسن من نقاط قوته ويعالج نقاط ضعفه
- وهسهُ اكللكُم شوكت الانسان يوصل لمرحله الاكتفاء الذاتي : اكُو مرحله من مراحل الاكتفاء الذاتي إذا وصل الها الإنسان راح يكله بنفسه ما يشعُور بلـ وحده لأن يكون مسوي عالم خاص لنفسه مليء بلـ اشياء الي يحبها يتقرب من نفسه اكثر ويفهم نفسه
- زين ابراري اني اكدر اكتفي بنفسي واوصل لهاي لمرحله لولا ؟
اي اي حبيبي تكدر لأن أساسا الاكتفاء الذاتي هوا منهچ سلوكي يعزز من تقدير الذات والمشاعر والسلوك ، يمكن الاي شخص اكتسابة من خلال تغيير الأفكار و المشاعر ولسلوكيات يسمح لنفسه يوصل لمرحله الامتلاء الذاتي بـ تحقيق الاستقرار النفسي و العاطفي ويساعد نفسه ع تأسيس حياة صحيه وسعيده
- زين عيوشي شلون اوصل لمرحله الاكتفاء الذاتي ؟
باعَوا يروح عُيوش ، ¹- تقبل نفسك ²- لا تنتقد ولا تراقب ³- تصالح وواجه نفسك ⁴- لا تقارن نفسك بـ اي شخص گان ⁵- استلهُمي ⁶- استرخي وفكر بنفسك وحياتك بعيداً عن لناس ⁷- لا تصدگ اي شخص چان
- زين ابرار هي الوحده والانعزال نفسها الاكتفاء الذاتي ؟
لا لا ياروحي باعوا ، الوحُده هي انعزالك عن العالم كُله لانك لا تجد سعاده بلحديث وياهم ولا تجد راحه والسعادة اله ويا نفسك ، اما الاكتفاء اتكون تكدر تختلط مع ناس بس بشكل يخليك مكتفي بنفسك معزز ثقتك بروحك ياروحي
_ بلـ نهاية اكُللكم محد يستاهل تحُبونه أو تقدرونه وتثقون بي اكثر من نفسكم تذكروا ترا هاي امانه ربكُم نفسكم امانه كونوا كد هاي الامانه اسعدوا نفسكم ولا تنتضرون احد يجي يجيبلكم سعاده خوش حُبحب
رد مع اقتباس
