هنا

[ارجع يازمان]

الثقه امن اتروح ما ترجع بعد بيك
بعد مو مثل الاول من ألاكيك!!
اللهفه الجانت اتروح
وأضم أسراري بالروح
ابكلشي مهم لتظن أحاجيك!
بعد مو مثل الاول من ألاكيك!!

:::::::

احجايه وياك حاجيها ابسكاته
شو ناقلها لحلوك الشماته!
انته الرخصت دمعي ابغلاته
اشكد بجيتني لازم أبجيك!!
بعد مو مثل الاول من ألاكيك!!

:::::::

اليعاشر بشر لازم يصونه
مو يتحجه بأسراره ويخونه!
وانته الما ثبت مره ابظنونه
احجايه اتجيبك احجايه التوديك!
بعد مو مثل الاول من ألاكيك!!

:::::::

يامن ضيعت بالدنيا أنسان
رايح كل حياتك تبقه خسران!
الدنيا الغرتك ما الها عنوان
اليوم ابصفك و باجر تعاديك
بعد مو مثل الاول من ألاكيك!!
حسين االساعدي

[مِـيهہرَمــآهہ ♬✿]

الله الله