هنا

[جمال الجيزاني]

السلام عليكم ورحمة الله وبركاته
يسعدلي مسائكم ايها الاخوه والاخوات الاعضاء في منتدى درر العراق
صعب علينا ننسى الماضي اني جنت طالب بالصف الثالث المتوسط وما كدرت ادخل امتحان البكروريا المهم بسنة 1967 دخلت الجيش وانقلت للموصل ودخلت دوره بالمغاوير وكنت احد جنود مغاوير القعقاع ومن خلال هاي السنين الطويله كمت اكتب مذكرات يوميه وشنهي الاعمال اللي اقوم بيها جان عندي دفتر صغير بس للاسف ضاع مني وطبعا اليوم اذكرت هذا الموضوع وقدمت بيه مقترح للمنتدى اتمنى من الاعضاء يكتبون ما يسوه بكل نهاية يوم اني بالنسبه الي جاهز تماما هسه راح ابدي بالكتابه
واعتبر هذا اليوم الاول لذكريات الماضي
كعدت اليوم الصبح وسويت فطور وجان عباره عن طماطه بالدهن والبصل والبيض وكوب جاي وشغلت الكمبيوتر وعندي برنامج اشوف بيه كل القنوات العربيه وحتى الاجنبيه المهم سمعت الاخبار وصارت الساعه عشره بتوقيت الدنمارك شربت الدواء مالتي ولبست ملابسي واخذت سيارتي ورحت على سوق عربي اشتريت لحم غنم وشويه كرزات وباقلاء يابسه لاانو بيها بروتين والكرزات مفيده للجسم ورجعت لبيت وخليت كلشي بمكانه وطبعا فتحت المجمده وهي بالاصل عباره عن ثلاجه وتحتها فريرز وجان الفيرزر كله ثلج بحيث المجرات صعب تنفتح وكمت بتنظيف المجمده وصارت الساعه 11 ونص جعت هوايه طبعا على فكره اني عايش بوحدي وبعد ما نظفت المجمده اكلت شويه وشربت فبتامين حديد حبتين باليوم واجيت على الصاله وكعدت وفتحت الكمبيوتر وكتبت شويه مقترحات للمنتدى وضليت كاعد لحد الساعه 3 الظهر غفيت شويه وكعدت العصر واكلت وشربت جاي وفتحت الكمبيوتر مره ثانيه واني من طبعي اقفل الباب بعد ما اطلع من البيت وخلال هاي لساعات احاول الكى شئ افلام او مسلسلات وممكن انام بعد الساعه 11 بالليل ونبدي بيوم جديد ويمكن افرغ واكتب كم قصيده ونانشرها بالمنتدى هذا كل اللي سويته اليوم
تصبحون على الف خير واحلام ورديه سعيده

[الطائر الحر]

وعليك السلام ورحمة الله وبركاته
افتتاح موفق اخي الكريم
وفي انتظار ابداعك
دمت بكل خير وود

[الرمز]

وعليك السلام ورحمة الله وبركاته
افتتاح موفق اخي الكريم

[جمال الجيزاني]

مساء الخير على العراق وكل عراقي وعراقيه
الاخ العزيز الغالي الطائر الحر نشكر لك مرورك وحضورك الرائع وربي ما يحرمنا من وجودك وبانتظار جديدك
تقبل احر التحايا
على فكره ذكرياتي راح اكتبها كل يوم بيومها لكن قبل الليل
شكرا الك مره اخرى

[جمال الجيزاني]

اولا السلام عليكم ورحمة الله وبركاته
طبعا بديت اليوم الصبح الساعه 9 الا ربع وجنت مطلع شوربه من المجمده من البارحه بالليل وحميتها وتركيت وشربت جاي وفتحت الكمبيوتر وعندي برنامج اكدر اشوف بيه هوايه قنوات عربيه واجنبيه المهم سمعت الاخبار وعرفت شئ عن الحرب بين روسيا واوكورانيا والسودان والذهب اللي طلع مناك يعادل اكثر 2 مليار دولار وصارت الساعه عشره غسلت مواعين الفطور وغسلت وشربت دواء وصارت الساعه 11 الصبح طلعت من البيت ورجعت اكلت مره ثانيه وفتحت الكمبيوتر وقضيتها شويه افلام ومسلسلات عربيه وصار وقت الغدا جنت مطلع قطعه سمج لاكس من المجمده وجنت منقع تمن طبخت قطعة السمج على الطباخ الكهربائي وسويت التمن بالشعريه والدهن طبعا سويته كبس مو بزل ومن خلصت قليت بصل وباذنجان وطماطه وبعد ما برد الاكل اتغديت الساعه خمسه العصر وبعد الغدا جان الطباخ كلش وسخ المهم غسلت المواعين ونظفت الطباخ وشربت جاي ورجعت على الكمبيوتر وشفت فيلم لعبد الحليم حافظ حاولت انشر قصيده هنا بالمنتدى بس شفت الوضع جدا راكد وبارد احتمال اكتب بعد ما افرغ من هاي المدونه اعتقد جان اليوم لاباس بيه ما بيه ذاك الشغل والتعب والحمد له على كل حال رغم اكو بعض الاعضاء ده يجرحون مشاعري اني ما عندي مشكله لاان اكو بيت شعر يكون واذا انبرى لك شاتما فصم سمعك عن جوابه واني مو من طبعي اغلط ولااحب اغلط بحق اي واحد مهما كان
اتمنى الكم ليله سعيده وتصبحون على الف خير واحلام ورديه سعيده

[أسطورة الزمان]

اولا السلام عليكم ثاني شي لا تهتم للناس هية تحجي تحجي ووحدهي تسكت وعلى كولت الكايل علاج الجاهل التجاهل عادي عادي تصير باشا
ثاني شي انت طلعت جاري اهلا اهلا بلجار والله اكثر توقعي جان بس اغلب الناس هنا عايشة بالعراق بس طلع اكو ناس عايشة مو بالعراق المهم
اهلا بالجار العزيز ولا تهتم عادي عادي تهون والقوم يمونون
وصج حلو تكتب يعني يومك اهنا اني عندي دفتر مذكرات بس صار اشهر تاركتة

[صقر عراقي]

انت يبين طيب وابيض القلب
وهذة صفة حميدة .
لكن حاول لاتتشابك عليك الامور وتخلط بين النقد وجرح المشاعر
ولااعتقد يصل الامر الى سب وشتم داخل المنتدى مستحيل
اما النقد تعود عليه واستقبله باابتسامة احسن من الغضب
وواجب الوجود للنقد والا نصبح مجاملين كلنا يعني بالوجه امراية وبالكفة سلاية .
الاخ جمال
انت رائع وطيب ونحبك بالله وكتاباتك البسيطة جدا رائعة
كذلك اقول
برغم حبي لك ممكن انقدك في يوم او على موضوع اورد
هذا معناه ليس قصدي اجرحك ولايختفي الحب من قلبي اتجاهك
حياك وادعوه بالتوفيق لك يامبدع

[جمال الجيزاني]

كلامك تاج فوك الراس لطالما انت جنبي لا تقلق ولا يكون عندك ادنى فكر اقسم بالله الواحد الاحد حضرتك اكثر من اخ الي
الف شكر على مرورك وحضورك السامي ودمت بالف خير وصحه وعافيه

[جمال الجيزاني]

جارتنا العزيزه الغاليه اسطورة الزمان هلا والف اهلا وسهلا نورتي واشكرج جدا على ارق الكلمات واشكرج ايضا على نضج النصيحه اعرف ان شئ عادي واعرف شلون اتماشى ويه الزمن وشلون اعايش المجتمع لاان اني اجتماعي بحت اختلطت بهوايه ناس عادي جدا
اتمنى ترجعين لذكريات الماضي وتكتبين عن كل ايامج لاانو هذا كتاب يبقى للابد ويبقى ذكرى لا تنطفي ولا تزول
فتقبلي مني فائق الود وعظيم الاحترام

[جمال الجيزاني]

السلام عليكم ورحمة الله
اليوم اكتب هاي السطور مع نفسي كجزء ثالث من هاي الذكريات وطبعا اليوم كعدت من وكت تقريبا الساعه خمسه لاانو البارحه نمت من وكت المهم سويت الريوك جانت عندي شوربة عدس وشربت جاي وسمعت اخبار طبعا اني ما ادخن وكطعت الجكاير والبايب من اربع سنين ولهسه ما دخن كمت اضوج من ريحة الدخان طبعا البارحه بالليل كتبت قصيده والمهم صارت الساعه عشره طلعت للسوك بالسياره واشتريت شويه اغراض للبيت ومنها ساعه ام الجرص وبعد ما خلصت من السوك مريت على امي وابويه ورجعت للبيت كاتلنيي الجوع خليت الاغراض وكل شئ بمكانه وطلعت شاورمه وحميتها واكلت موزه وشربت فيتامين حديد حبتين كل يوم نسيت اكتب انو اني شفت الدكتوره مالتي والمختصه بمتابعتي كحاله صحيه وفتحت الكمبيوتر وشفت برامج وبهي الصدفه كتبت قصيده عن طفل ضايع وكتبت قصيده ثانيه خصيت بيها الدكتوره وبعد ما خلصت سمعت موسيقى اغاني قسم منها عربي ومنها اجنبي الصراحه اني مشغول بحب وحده مره ساكنه بنفس حارتي هي بالاربعين حبينا بعضنا من زمان وقبل سنتين هيه جانت تشتغل بمحل سوق عربي ويه زوجها وهيه مطربه اصلها كرديه من سوريا بعفرين وصار فتره تشتغل بمعمل مصلخ للدواجن المهم خلصت شغل وحبت تشوفني وبالفعل شافتني اليوم تقريبا الساعه خميه الا ربع العصر وبعد ما شفتها سخنت الاكل وجان سمك لاكس وتمن ومرق طماطه بالدهن والبذنجان وشربت جاي وكعدت اتصلت بيه وهي بالحمام لاانو زوجها جان بالبيت وبعد ما خلصنا حجي كعدت مره ثانيه وكتبت كم قصيده للمنتدى كنشر وبخط ايدي تماما جنت اتامل ان انقل هاي القصائد لديوان شعري الثالث بس ما بقى وكت وكلت اكتب اليوم وشنو اللي صار عندي وان شاء الله اكتب مره ثانيه شنو اللي صار عندي باليوم التالي
تصبحون على الف خير واحلام ورديه سعيده