واني كلش اخاف من شخص يكليالمشاركة الأصلية كتبت بواسطة صقر عراقي
وين راح فقار
راح افصلك ولو انا مشغول بمتابعة الشخصية العراقية الوطنية نزار الخالد .
لكن راح اعوفها هاي الساعة لاجل عيونك .تدلل
التفصيل
- مامعنى (شارة العباس ) او البخت والحوبة .؟
1-شارة العباس عليه السلام والايمان بها اكيد انت تعرف الايمان باولياء الله الصالحين هو ارتباط وتقرب الى الله اكثر
على اعتبار كقانون لايجوز القفز عليه .. كما تسلسل المراتب بالجيش او الحكومة .؟
مرة من المرات رحنا انا وهي الى بيت اختها .وبيتها يبعد عنا ميتين متر او اكثر شوية يعني تقريبا في ظهر بيتنا .
ولما وصلنا ودخلنا البيت فوجدت بنت شابه حلوة مااعرفها سلمت عليها وتجاوزتها فسالت اخت زوجتي منو هاي البنية .
كالت صاحبت ابني افلان .
صفنت ورجعت بحسابتي للخلف والامام ثم اخذت قرار .
فقلت لزوجتي البسي عباتج يالله مشينا .بهدوء
صارت الاسئلة ليش ماليش ماشرحت ولاتكلمت بكلمة .يمعودين غداكم عشاكم جايكم ماكو ماتنفع .؟
بعدين يعني ورى ساعات صارت الطروش والتلفونات شنو الصار وليش زعلت .
وكان مقابيلي الاول والاخير ولي امرها فشرحتلة وقنعته وتشكر مني
شنو تبريري ولماذا غضبت وزعلت .؟
عندي بنت وعدهم بنات وهذا الولد جايب صاحبته علني ولايوجد ضمان بأنه يتزوجها او يلهو معها فهذة الحركة
تهجم بيتنا وتخرّب بناتنا (الانسان يشوف ويقلد) خاصتا الصغير .؟
النتيجة .
انا عندي مبدأ البنت من اهلي اذا تخاف مني او تخاف من ابوها اكثر من الغيبيات في عقليتي ممكن تفشل بحياتها
بس اتشرعن فشلها وتقتنع بتبريراتها وتعيش على هذا الجنب .ولها من يتفق معها .يعني لابد واكو مناصرين لها ذول
اللي (رزجهم على المعثرات) الفاشلات والخايبات .
فقلت الى زوجتي بدون التوعد اكسر ظهرج واسحك راسج او اطلك وذول كلهم موجودات بشخصيتي يعني قادر اوعد بيهم
لكن اعتمد على الفطرة او السجية او (السذاجة)اذا تحب هذا الوصف
قلت لها عليه العباس ابوفاضل على عيونه وجهاله وعلى رجلها بالعمة اللي تروح الى بيت افلانه .
وطلعت .صاحت وراي ترجت ان ارفع هاي الذمة عنها هذا الحلف اصريت .
ياخوية يافقار صارت التلفونات والزيارات من ورى ظهري روحي لختج روحي زوريها ابد سنة كاملة
مانزلت قدمها قرب باب اختها .
الى يوم جاء الولد ابن اختها واعتذر وقال لي .خالي والله كلامك طلع صحيح وانا غلطان وقسم الي بعد مايسويها .
طلعت البنية يتيمة وماعندها ولي امر واتّابع التكتك واخواته طبعا وجدها بمكان غير طبيعي وانتهت علاقتهم
كذلك تعهد لنا لايكرر فعلته الا بحالة خطوبة او نية زواج مضمونة
طبعا شرحتله على انه اكبر خطاء بالدنيا هو خالك اللي حضرتي لكن بالستر فماامنعك من حركاتك لكن اطلب منك الستر حاول
لايعرفها الاخرون .فالاستغفر الله تنفع بالسيئة المستورة ولاتنفع بالسيئة المشهورة وهذة البنات صغار بركبتنا
اذا كبروا على هذا يكون الحق علينا على اعتبار العملية سهلة وطبيعية وهاي ماتمشي ويانا تصاحبها غصة ثقيلة
هذا قصدي من شارة سيدنا العباس سلاح مضمون مفعولة ونشكر المخلصين والدجالين ايضا على تفعيله .؟
............................
2- البخت
هي اساسا عدها معلومة عن مفعول البخت من اهلها لكني طورته اكثر ومن تجارب حدثت عالمية او محلية .
مرة من المرات ابني الصغير( لكَه اكَلادة ) بالشارع وراح يركض الى امه وانا كنت موجوجد ولكن امه اقرب مني له .
فقال لها بفرحة كبيرة وكأنه حصل على غنيمة .(طبعا الكلادة موذهب) لكن كلش حلوة ومرتبه وقال الى امه اريدها الى اختي
راسا امه اللي هي زوجتي صرخت حتى يمكن انا خفت من صرختها .
كالتله هسة ترجعها الى مكانها يمّه الناس عدها بخت وهاي حاجتهم اذا اخذناها وتمتعنا بها ايصير شيء موطيب لنا ومااريد
واحد يعثر منكم هسة ترجعها الى مكانها .
بس ماادري ماجاب ابنها مليون دينار حتى شوف شنو ردها من يصير الحدث اخبرك .
هذا البخت اللي اقول لك عليه . سلاح عجيب جعله الله ضد المؤمنين اذا انحرفوا
ونحمد الله ونشكره على هدايانا
......................
3- الحوبة
اخ الحوبة والدعاء كيف يغيّرن الاتجاه سبحان الله وعبرتهم بالاخير .
اهواية قصص عنهم لكن حضرتني هاي القصة اللي حدثت على الواقع بدون نقل من التاريخ ولا تمحيص .
ودليلها موجود فلاتتعبني بالبحث عن المصادر (مثل الفلم وتشاهده)
الامام الخميني قدس .
اراد ان ينشر دين محمد ص واهمية ال بيته على الملأ وهذا لايعجب الاعداء مثل اسرائيل .(الدين الاسلامي يصحى من جديد) انوخذنا .
وضعوا امامه صدام لع . الامام هدفه نشر الاسلام وصدام هدفه كسر مجدافة
علكَت الحرب رحنا وسمونا شهداء ومفقودين ومعوقين ومهجرين .
فلما انتهت الحرب ارادوا الامام يوقع على نهايتها فقال كما قال الامام الحسين ع ولكن بطريقة يعني نفس المفهوم
الامام الحسين ع قال الى يزيد لع .(من مثلي لايبايع مثلك)والامام الخميني قدس قال اتجرع السم ولااصالح مثل صدام .؟
حوبة الامام ودعائه الاخير .
قال (اللهم اجعل بأسهم مابينهم)
ماطالت السالفة الكويت كان من يقلد الذهب برقبته اضافة الى صرف الاموال الهائله له
فأول ماخرج من حرب ايران دخل الكويت ..خربوا الجماعة
امريكا الذي نصبته ودللته هجمت عليه
العرب اللذين من كل قطر فوج من الجيش بقيادة امريكا ايضا تجمعوا عليه
عائلته تشردوا وهو حي ويرى اولادة ماتو وهو حي ويشعر .
اعوانه اختلفو معه
وبالاخير انتهى بالحفرة
شوف اشلون الحوبة والبخت يلعب دوره (بس جيب اللي يأمن بيه)
النتيجة
الامام الخميني قدس عند موته ودعه الملايين من المؤنين فقط .
وصدام انتهى بحفرة واللعنات تتبعه
ومايترحم عليه الا عديم المروءة وفاقد الوطنية والهوية العراقية وذول لايصعد دعائهم او ترحمهم الى السماء
على اي اساس بعثي صدامي ويتوجه بدعاء للرب العظيم وهو ضد عباد الله
واحنه اجينه انحلل لحالنا ونحاول نقنع انفسنا منّا من ينسب هذة الاحداث الى السياسة والصدفة وهذا النوع يتكلم
بطرق شتى من اجل أن يبعد يد الله ومشيته وتدخله بالمساله وهذا النوع يعتبر مثقف ويجد انصار كثر صح منهم جاهل ومنهم منافق
يعني بعضهم يأمن بالله لكن يحجب قدراته .
والذي يأمن بأن الدعاء والحوبة تغيّر الاتجاه هذا معيدي ساذج وحتى يقال عنه غبي .
والحدث هو اية من ايات الله وتفكّر للمؤنين .ها موتنسى للمؤمنين فقط .
.....
فد مرة حصل حادث معي من الاخير .كنت مالابس حذاء تكرم . لابس نعال في مكان صدمت بشيش
طالع قليل من على الارض وفتح اصبعي الكبير .
رجعت للبيت شافتني الحجية وشافت الدم الغزير صرخت وركضت للمطهر واللفاف .
كعدت على كرسي وهي على الارض وراحت تشتغل باصبعي
فقالت لي .
اريد أحجي احجاية موتزعل .كتلها كل حجاية حكَ اقبلها حتى لوضدي احجي
كالت .
راجع ذاكرتك هل استغابيت واحد من الاصدقاء من الجيران كتلها لا كالت ظلمت الك واحد راجع نفسك حتى الى سنة للوراء
كتلها مااذكر .
هي تشتغل وتحجي وانا كل لحظة اصيح اخ .
ظلت تدردم . شنو الله يضربنا بعصا الله ينطيك مهلة ومايسامحك الا الشخص المظلوم يغفرك لك فيغفر لك الله
لاتهجم بيتنا (وتمرمط افريخاتي) وتكطع رزكنا وتظلم بختنا .
يعني هي ثابت عدها مستحيل صار هذا الحدث الا انه ضريبة لفعل ماقبله
بعدين .ترى الظلم يعم على اعيالك واللي تحبهم .
انا عود صرت لوتي .كتلها اوكفي .قفي . انا لااعترف بجهالي ولابعيني بقدر مااعترف باللي احبهم .
هي مادارت بال لمجاملتي ولااعترف بي بتلك اللحظات واستمرت ادردم احنه مصيرنا للكَبر وبعدين امام الله
شنو نكل الى الله . اذا كال لنا ظلمتو فلان ومن هذا الحجي ومن خلصت وهي جالسة رفعت للسماء انذر ذبيحة بس كون
تتبارى الذمة مع من ظلمته .
وصدك انا صدكت وظليت افكر يمكن انا ظالم صديق مؤمن وانا ماادري
هاي اللي تحمل هذا الايمان ونهايته التعلق بالله ورسوله هي التي تجعلك تذهب وتفعل ماتشاء وبندقيتك بالحفظ والصون
مو اللي تخاف منك لا اتخاف . اللي من ماوراء السماء .
عاد ابكيفك تعتبرها سذاجة او ملحلقاتها او شيء ثاني
وشفايتلك فقار تعيش ساذج متمتع بأوقاتك وايامك بشكل ساحر (تشخر من تنام)
ولاتعيش عالم ذرة وايامك في ضنك وضيم وتعصر دهن من داخلك واحلامك كوابيس
هذا قصدي
...............
صار اكثر من ساعة انا ع الموضوع اعوفه مفتوح وارجع له
راح اتابع قناتي المفضلة قناة الفنان نزار الخالد وبعد ثلاث اربع ساعات وارجع لك
اشكرك انستنا بالحديث معك
انت ضلمتني
بشرفي ايست من كلشي
بطلت ما اتزوج
واليوم ما اخلي وحدة ما ازحف عليها
ارجع عالعلاقات احسن
اقلاها هاي من تزعل
اكثر شي تسوي تحضرني
تعبتك وعلي تونست بردك
رد مع اقتباس
اخاف طالبة نذر حتى تزوج انت
