المشاركة الأصلية كتبت بواسطة فقار الكرخي
الصالحون للصالحات
هاي منو كالك تنطبق عالزواج
اكو انبياء وأئمة كانت زوجاتهم
موزينات
اعتقد جان يقصد غير شي
عندي صديقي جان مصادقلة وحدة مطلقه
وكلش واصلين مرحلة متقدمة بالعلاقة
البنية تدري بي كلاوجي ميخطبها بس متكدر تعوفه متعلقه بي
يوم من الايام خابرتة وكالتله ترة اني حامل
ولازم تتحرك تجي تخطبني قبل ماتصير الفضيحة
ويصير قاتل ومقتول
الولد خابرني يرجف لك فقار الحكني وحجالي السالفة
كتله اخذها بيدك وروح الدكتورة نسائية
وسويلها تحليل
اتفقو وراحو للدكتورة
الدكتورة انطتها شيشة صغيرة كالتلها حطيلي بيها درار
البنية دتروح للتواليت تخلي بالشيشة درار
واخذت جنطتها وياها
صديقي كاللها عوفي الجنطة شكو ماخذتها
هي جلبت اله اخذ الجنطة وصار مثل العناد والتحدي
كتلة عوف الجنطة شلك بيها
المهم البنية راحت وترست الشيشة درار
وجابتها للدكتورة
ورة ساعه صاحو بأسمها وكالولها مبروك
انتي حامل
الولد انجلط الا شوية
بس هو باله يم الجنطة كلساع وكالي
فقار بوك الجنطة مالتها
كعدنة بمطعم والبنية متهد الجنطة من ايدها ابد
اني هم بديت اشك شنو موجود بالجنطة
عندي جماعتي بالشرطة يداومون بالكاظمية خابرتهم واتفقت وياهم يفتشون الجنطة
كالو تعالو بس فوتو من يمنه ومعليكم
والله خلينه طريقنه من يم الشرطة وجان
يصيحون علينه تعالو تفتيش
فتشونه اني وصديقي وجان يكللها للبنية
انطيني الجنطة اريد افتشها
هي خافت وانطتها الهم
كام يفرغ بمحتوياتها عالميز
جان يطلع علبة مال درار منها
لج هاي شنو شحاطة بيها منين هذا
اختلفو عليها الشرطة
هذا شنو سم
المن تريدين تسممين الزوار
جان تخرب البنية وتوكع
من صحت كتلها احجيلي شنو هذا
حتى اخلصج من الموضوع ترة راح ياخذوج
ومايطلعوج اله يجي ابوج
بعد مفاوضات كالت لاتحجي الصديقك
هذا درار مال مرت اخوية
هي حامل وجبت درارها حتى انطي للدكتورة
على اساس هو مالتي
حتى تطلع النتيجة حامل
واجبرة يتزوجني
ورجعنه للبيت مصدوم من هذا الفلم
والولد دايخ وحتى ماكتله بالموضوع
الولد ثاني يوم انكطعت اخبارة
سافر الاربيل ورة اسبوع يالا خابرني
وكالي اني بأربيل وبعد ما اجي
ولك تعال ارجع يمعود هذا فلم
يكلي لا فقار بس ارجع يقتلوني
وكوة رجعناه الامه
بشرفك من تشوف هيج حيلة
تثق بأحد بعد
رد مع اقتباس
