هنا

[ارجع يازمان]

الى أحدهم!....
اذا وكت النهار وبالشمس تنحاف
ماكو داعي تسهر تحرس ابليلك!
.
امصدك وضيع امشوه الأوصاف
إذن تتقبله لو صَيح ادخيلك!
.
تحجون ابوهم والصدك ما ينشاف
تشكيله تضل ,,, وهو يشكيلك!
.
دام اتجاوزت بحجايه ما تنطاف!
يعني انته البديت ومني ياويلك!
.
ترى الروج القوي ما يرحم الخواف
وبازغر روجه مني ينهدم حيلك!
.
قبل لا تجي ابدربي حضر الاسعاف
لان ما تمشي خطوه ورايح اتشيلك!
.
لا تتوقع انته ابلا ثمن تنعاف!
تقصدني ابهجاء!!! وتريد اغنيلك!
.
يا ناقص عقل يلفاكد الانصاف
نصيحه امن السواعد راح أوديلك
.
لا تحكم اذا ما تسمع الاطراف
مو من طرف واحد لما يحجيلك!
.
المفروض اسمع الهاذا وهذاك العاف
حتى الحكمه تحجيها ابمواويلك!
.
المضيف الماله هيبه أبد ما ينضاف!
لازم كَهوتك@@ تتفاخر ابهيلك!
.
شو عفت الشريعه وعايف الاعراف!
وجبت بس الظنون ابهذا تحليلك!
.
بالعشوائي ترمي وعايف الأهداف
اذا انته غبي يعني شسويلك!!!
حسين االساعدي

[أبن ذي قار]

جميل

[مؤيد العبدالله]

كلمات لامست الثريا بجمالها
​دمتم مبدعين