هنا

[ارجع يازمان]

كبل من ايموت واحد
المنطقه كلها ابحزن
​.
ماتعرف الفاتحه المن
من البيوت التون!!!
.
غطوا التلفاز باسود
كلها عالميت تحن!
.
الجار الموزع بطايق
وبعرس ابنه امتحن!
.
يلغي عرس ابنه ويواسي
الجاره بدموع وشجن!
.
هسه مدري
اشصار بينه!
ليش صرنه ما نحس!
.
ابكشخه نمشي للفواتح
اتكول ماشين العرس!
.
سلفي ويه الناس ناخذ
بالعطر واحسن لبس!
.
يبدي تبذير الفواتح
والاكل يغري النفس
.
مو أجر لكن تباهي
ابصرف يطمسهم طمس!
.
العافوا الميت ابجوعه
الما أكل من يوم امس!
.
انترك جوعان يمهم
ابشمس تحمس حمس!
.
ماكدر يشري علاجه
محد انطاه جم فلس!!
..
لكن ابفاتحته سوو
بوخه وانهلسوا هلس!
.
درس أل البيت واضح
ليش ما اخذنه الدرس!!
احنه ما ااخذنه الدرس!
حسين االساعدي