لتزيد العتب شيفيد العتاب
ويه الحاسبينك من الاجناب!
.
انته اتوههمت وتقشمر الروح
يوم الوصفتهم اغله الاحباب!
.
بابك ينتظرهم هسه مفتوح
وهمه بوجهك انته وسدو الباب!
.
فرزنهن عدل وانظر بالجروح
ياجرح اليطمك جوه التراب!
.
أبد لا تنقهر عالرايد ايروح
لتساوي الصكر بحساب الغراب!
.
تلكه اللي يوافي المدت اللوح
عكس البلطمع حاسبلك احساب!
.
اوكف عالكسر لا تبقى مطروح
اذا شمات اجو ويه الهوه الهاب
.
واذا وحدك صرت اتسلى بالنوح
نوبات النياح ايواسي المصاب
نوبات النياحه اتواسي المصاب
حسين االساعدي