تاريخ الابطال,, ويشهد التاريخ
كلهم كالوا امن الف هيهات!
.
من صوت الحسين الثورة الصدرين
وأضربلك مثال اهوايه شخصيات!!
.
هيه الموته وحده وما تصير اثنين!!
والذل روحه ولما ذلها راح ومات!
.
بس تبقى المواقف هيبة الديوان
فرق بين السكت! والكال الحجايات!!
.
امام الحاكم الظالم يجي الايمان
اهنا يتعنونن من يحجن الاصوات!!
.
وبيوم القيامه ابخنكة النيران!
فرق بين الطلع والدَور الختلات!!
.
علي لوما حكيم وقالع البيبان
جا ما صار امام وحاضر الشدات!
.
الله الخيرانه ابكل درب عنوان
درب الجنه! لو نار التجر حسرات!!
.
هنياله الترك بالاول النيشان
وبدرب ابو اليمه امثبت الخطوات
ابدرب ابو اليمه امثبت الخطوات
حسين االساعدي