خلي نصير قصة بدفتر العشاك
الف رحمة اعله روحه الجابك وخلّاك
حسرة اعله البشر انهم يلحكونك
من شدة جمالك بيمن يوصفوك
بس عين الغزال التشبه اعيونك
مهآ سموك نسبة لأجمل الغزلان
وبهذا الوصف خافو يضلمونك
لا تظهر جمالك والخلك صاحين
خايف من وره الحايط يحسدونك
ولا تطلع غرفتك لو اجو خطّار
عن كل الخلك لازم يضمونك
يا عين التشوفك تلزك من الضيم
يا قطعة شكر خايف يخلصونك
على صوتك نشوف الناس سكرانين
لعد شيصير بيهم من يشوفونك
يا واحة ورد وخدودك موردات
حسرة بكلب عشاكك يشمونك
انه مخبل غزل واكدر لكل الناس
بس انته صدتني وصرت مفتونك
حط عينك علي واعيوني كلهه وياك
وسد باب العواذل لا يغيرونك
خل انصير قصّه بدفتر العشاك
انته تصيرحبي وانه مجنونك
رد مع اقتباس
