QUOTE=ريسلان;9257136]- احنه ما ننسى = انتن ما تنسن! انتن بالبداية ما تنسن بس بعدين كلشي يتغير بس الي ما ينسى احنه، احنه الي ما ننسى من صدك
- انتو! ليش هو منو الي يبقى يركض ورانا لحد ما يوكعنه بحبه وبعدين يعوفنه مو انتو؟
= مو كل اصابيعج سوه، اني هم اكلج هواي شباب من عدنا تعلقوا ببنات وطلعت هوائيات وبقن بداخل هل شباب حسرة وقهر
- انتو ما عندكم مشاعر
= انتن ما تعرفن تفهمنه
- انتو الي ما مفهومين ولا تفهمون
= هو سباق!
- مو سباق، بس هاي حقيقة انتو سطحيين
= احنه مو سطحيين، احنه بس ما نعرف نحجي كلشي
- بس احنه نحتاج نسمع
= انتن تحبن الحجي حتى لو كذب والدليل الكذاب الله موفقة بيناتجن وماخذ منجن هواي
- هذا هو و ربه والذكية تعرف تجنب الكذاب بس كلي الي تحسه صادق حتى ويه روحه وبعدين يخرب كلشي هذا شنو تسمو
= احنه ما ننفهم بهل سهوله وبنفس الوقت بسيطين والله، ما ادري .. مو كلشي ينحجي
- وراح تبقى هاي الفجوة الي بينا وبينكم، انتو ما تحبون تحجون
= وانتن تريدن واحد يحجي شي هو مفاهم شلون يحجي ويه روحه.. احنه نحس وبداخلنا فعاليات معقده بدون ما نحجيها حتى ويه روحنه تدرين
- ما ادري.. كلشي يخصكم اجاوبه بما ادري لان صدك انتو ما تنحزرون
= الطرفين ما ينحزرون.[/QUOTE]
الرجال يريد واحد ييفهمه بدون ميحجي والمرأة كذلك
الطرفين يردون اهتمام لانهائي واخذ ببدون عطاء والطرفين معندهم
روح التفاهم والنقاش الصح ويبقون هالشكل محد حيفهم اللاخ
والطرفين يحملون المسؤولية لبعض....
رد مع اقتباس
