هنا

[ارجع يازمان]

صفنت روحي ما أدري شجاها
الله اليستر اشيطلع وراها!!
بس لا ذكرت احباب!
بقت متعلكه عالباب !
مختنكه وتود يرجع هواها!
الله اليستر اشيطلع وراها!!
:::::::::
نسوها وهيه ماعافت ذكرهم!!
وتعرف ما يجون وتنتظرهم!!
أأخ اشلون الي روح
اشكد تتحمل اجروح!
جرحوها ومشوا عدهم دواها!
الله اليستر اشيطلع وراها!!
::::::::
ابتليت ابروح مهجوره وعنيده
مو قسمتها وتصَيح أريده !!
لا تندله وتروح
لاهي العافت النوح!
ضلت هايمه ابذاك النساها!
الله اليستر اشيطلع وراها!!
حسين االساعدي

[المستشار القانوني]

جميل
سلمت يداك

[ارجع يازمان]

جميل
سلمت يداك

حضورك اجمل دمت بخير

[آســيــر ⤹]

عاشت الايادي