تقدملي اعتذار شلون وانتة هواي كاتلني
هذا انة..
مطر نايم ابطن الغيم
يشوفوني من اطيح ومحد يكضني..!
هذا انة ..
ذهب وابين معتازين كلهة تريد تنهبني..
مثل صغير
ضايع بين الولايات
وين ابن الحلال لبيتنة يردني..؟
طير ونازل اعلة الماي
وين ادري اليحطلي الزاد..؟
هذا يريد يحبسني
تقدملي اعتذار شلون
وانتة هواي كاتلني
ما اعذرك..
العركة وي ال ليش صعبة
وشوفت صورك تغثني..؟
ومرة كتلي الماي.. نعمة وطشرتني
انة جنت وياك جاهل
وانتة بيدك علمتني
علمتني النجمة شامة
وعلمتني الدنيا حضنك
بس اعيش بدون شوفك
افتركنة وضلت وماعلمتني
انة شمسوي بحياتي
وانتة اجيت ودوهنتني..؟
وليش
عفت الحزن بية..؟
وعايشة براسي السكارة..
كام مايدخلهة ريتي غير دخان الجكارة..٫
مرة كتلي
انة اضويلك حياتك..
وانتة بس اسمك هلال وماتضوي
جنك اهلال المنارة
وهسه صاير..
بحر من دموع عيني
كلة من شفتة منك يا قهر
منين اجيبن موسى يفتحلي البحر
كلي يا كلمة التهزك ياحجر..؟
كون تدري الكلب جاهل
كون تدري..؟
الوردة تذبل لو كثر بيهة التجاهل
كون تدري الكلب واحد..،
كون تدري
بروحي طفلة
شلون كسرت المعاضد..؟
كون تدري..؟
ماشي ب امرك
جندي يمشي ب امر قائد..،
كون تدري
اي بشر روحة حنينة يعيش واحد..!
زين العابدين العطار
رد مع اقتباس
