هنا

[بحار تائه]

اخواني احجيلكم عن حاله جاي امر بيه ، فاقد شعور الحياة الصراحة ، يعني اشوف الناس تضحك وعلى كل موقف نكته يموتون ضحك بس اني اشوف هل شي كلش تافهه وعادي
اشوف الناس تطلع اني معتكف ما بيه حيل ، بالنسبه للزواج اني ما متزوج وعمري 30 والفكرة ابد ما داخله بعقلي ولا افكر اتزوج يعني رافض رفض تام ما اعرف شنو السبب
اكثر من بنيه تجي الفرصه واتعرف على هوايه واخلاق وجمال بس اني ما احس اتجاهه اي وحده منهن بشعور الارتباط
بالمناسبة جنت قبل 4 سنوات بعلاقة وانتهت بالخيانة من الطرف الثاني
استمرت هاي العلاقة 5 سنوات
تحياتي لكل من يشاهد ويرد

[وَتِــيـن ﮩ]

بالنسبه للبارت الاول فقدان الشغف وكذاا هاي تجي من تراكمات من كأبه او الحياة الصعبه او امور جنت ساكت بيها وراها طلعت ع هيج اشكال

اما البارت الثاني بالنسبه للزواج اكيد من سبب الخيانه فقدت الثقه وهالامور جرب من جديد ابدي صفحه جديده اول شي سافر سوي شي جديد بحياتك ممسوي وراها بلش تصلح الامور

االله يصلح امورك جميعها

[Ćat]

تعرضت لصدمة قوية ،علاقة خمس سنوات تنتهي ب خيانة
راجع طبيب نفسي أفضل لك

[selen]

بالنسبة للزواج ف مااكول انو بعد وكت بس اذا ممفكر تتزوج ياريت متتأثر بحجي الناس وتاخذ وحدة مجبور وتظلمها وياك.. وموضوع انو متحس بطعم الحياة احتمال يكون عندك اكتئاب ف عالجه ولتعوف الوضع بحجة هو يتصلح انت بلش وصلحه..عشرة خمس سنوات مو هينة والحجي سهل انو نحجيلك انسى ولتفكر بالموضوع بس لتخليه يأثر ع حياتك كلها والله يعوضك

[أبو ملاك]

أبد لا تستحي..
راجع طبيب نفسي...
الحجي هنا ما راح يفيدك..

[ملكةه]

تعال انطك راس براس


تندل كربلئ خميس وجمعه روحلها بنية صادقه وقلب محروك ودعاء من كل كلبك تحت قبة الحسين ثق بالله رح تلكه البنيه المناسبه لك ورح تتناساها حبيبتك القديمه ورح يرجعلك واهسك للحياة. ولما يكون عندك هدف بالحياة رح يرجعلك الواهس بالحياة ولا تنسئ ماطول انت حاصر نفسك بذكريات قديمه مراح تكدر تتعرف وتحب من جديد

نسيتوا الا بذكر الله تطمئن القلوب

[جمال الجيزاني]

من المؤكد ان الخيانه تسبب صدمه عاطفيه اولا وثانيا يصير عندك اكتئاب وعدم الثقه بالاخرين واعتقد حضرتك ما محتاج تزور طبيب نفسي ان تعالج نفسك بنفسك تنسى الماضي والامه هاي انت عايش بالعراق احنه شنكول اللي عايشين بالغربه واهم شئ تبتعد عن الوسواس القهري والتفكير بالماضي ربما اي واحد من عدنا يتعرض للخيانه لاانو اكو اهمال من احد الطرفين مو يمكن اللي خانتك لكت واحد اغنى منك والمره تحب اثنين رجال تستند عليه وطباخ غاز تطبخ عليه اتمنى منك واترجاك ان تبدي من جديد وخلي ثقتك بنفسك قويه ولا تباوع لكلام الناس اشتغل واضحك وسافر وغير جو حتى تهدا نفسك وترجع مثل ما جنت واحسن
اتمنى الك كل الموفقيه والسعاده والحياه الكريمه

[صقر عراقي]

الاخوة اجابو بكل صدق لك وكلامهم جدا راقي
............
اما انا فرأيي مختلف . افحص درجة شخصيتك بطريقة
ضعيفة اوقوية .رهيفة ام خشنة .قاسية ام لينه
...........
كيف قلت هذا .
انها التجربة والاهتمام بمن حولي من اقارب واصدقاء
وكثير منهم مكتئب منطوي على نفسه فلما اتكلم معه وانخله نخل .
اجد انه عنده ضعف بالشخصية مايدبرها يخالط مجموعة من الناس ويبدأ برأي او رد على احدهم
يفكر بخوف من رد بعضهم عليه بالسلب .
ومن هذا اعتكف وضاعت الضحكة من شفتيه
فاعتقد يعتمد عليك بحل هذة الازمة دانش نفسك وقل لها عود ليش مااختلط مع الزين والموزين
واطلع سالم . ؟
.........
اما من ناحية الزواج خت ولّي نكسة الخيانة ولاتأخذها مثال على كل البنات او على طول الحياة
تذكر كلام نابليون الشهير
(كل النساء عاهرات الا امي ولو لم تكن امي اقول عنها عاهرة)
بمعنى الخيانة والصدود والهجر لايحدث الا من اهمال اوغيرة
ومن قال لوسالناها لم تذكر لنا واحده من ذول .
يمعود الحق بالحياة اعطاك اياه الله ليختبرك وكيف تتصرف بها ومخالطة الناس والتواصل معهم
شرط من شروط الحياة والموت موشرط الا بتابوت الاعتكاف ككئابة يعتبر اقسى من الموت .
درب نفسك على المخالطة والمناقشة حتى لو لم تكن بارع بهم .فعندما تخطأ اعتذر وعندما تصيب
افتخر وابقى على هاي الحالة الى ان الله ياخذ امانته
افضل من الخوف والتردد وتكضي حياتك بطلب العطف مني ومن غيري .
اتوكل على الله واظهر من جديد وافضل لك ان تبدأ من هنا من منتدى الدرر لانه عراقي واكثر اعضائه عراقيين
بمعنى واحد يعرف اطباع الثاني وامك تعرف تطبخ كرشة وامي مثلها .فلاغرابة بذلك
اصلح الله اوقاتك وطيب خاطرك